@im_lilou_bee
ဘယ်လောက်ပဲ သတိတရရှိနေပါစေပေါ့ ။
ပြန်မရောက်ချင်တော့ဖူး ။အမှတ်တရတစ်ခုအဖြစ်နဲ့
ဒါမှမဟုတ် အမာရွတ်သေးသေးလေးတစ်ခုအဖြစ်နဲ့
ရှိချင်ရှိနေလိမ့်မယ် ။တကူးတရရယ်လို့ မဟုတ်ပေမယ့်တစ်ခါတစ်လေ အကြောင်းအရာတစ်ခုခုကြောင့်
တိုက်ဆိုင်မှုတွေ ရှိသွားခဲ့ရင်လည်း ခဏတဖြုတ်
သတိရချင်ရမယ်။ ကြာချင်လည်းကြာမယ်ပေါ့ ။
ဒါပေမယ့် ။ အဲ့ဒီနေရာ အဲ့ဒီနေ့ရက်တွေဆီကိုတော့
နောက်တစ်ကြိမ် ပြန်မသွားချင်တော့ဖူး ။
- ခက်နှောင်
ချစ်တဲ့သူကိုချစ်တဲ့ အကြောင်းပြောထား
ခွင့်လွှတ်ဖို့လဲ မမေ့နဲ့
ကျေးဇူးတင်ဖို့လဲ မမေ့နဲ့ ။
ဒီကမ္ဘာဟာ မနက်ဖြန်တောင် မသေချာဘူး ။
- မယ်ညို
ချစ်ရတာ ခက်လား
ဟင့်အင်း ချစ်ရတာမခက်ပါဘူး ။
ဒါဆိုဘာက ခက်တာလဲ
ချစ်မြဲချစ်နေဖို့ကခက်တာ ။
- တာရာမင်းဝေ
ငါတို့နှစ်ယောက်ကြားက တိတ်ဆိတ်ခြင်းကို
ဘယ်စကားလုံးနဲ့ ပြန်အသက်သွင်းမလဲ။
မင်းက နေနိုင်တယ် ငါက မနေနိုင်ပဲ
နေနိုင်ချင်ယောင်ဆောင်တယ်
တကယ့် ငရဲပဲ။
- လင်းမာအို
သွားပြီးမနှောင့်ယှက်တော့ခြင်းကလည်း အချစ်ပါပဲ ။
ဘယ်လောက်ပဲ သဘောကျကျ ၊
ဘယ်လောက်ပဲချစ်ချစ်
ငါတို့ကို မလိုလားတဲ့ပုံစံတွေ ပြလာတဲ့အခါ
နေတတ်အောင်နေပေးလိုက်ရခြင်းတွေကလည်း
မေတ္တာတွေပါပဲ။
#ခဲတံ
ရှားရှားပါးပါးတွယ်တာရာလေးမို့
သဝန်တိုရတာပေါ့အချစ်ရယ်။
ပိန်ခြင်း ဝခြင်းကို
ဂရုမစိုက်ဘူး သူ့ရဲ့
နေကောင်းခြင်း မကောင်းခြင်းကိုတော့
စိတ်ပူတယ်
သူရဲ့ လှခြင်း မလှခြင်းကို
အလေးသာမထားဘူး
သူ့ရဲ့ ချစ်ခြင်း မချစ်ခြင်းကိုတော့
အမြဲ နားစွင့်ထားတယ်
လောကမှာ
သူက သူ ဖြစ်နေလို့ကို ချစ်တာပါ
ဘာအကြောင်းပြချက်မှ မရှိဘူး ။
ကျေးကို
ဒီနေ့
မင်းကို လွမ်းမယ်
ပြီးရင်
တစ်သက်လုံး
မေ့ပစ်လိုက်တော့မယ် ။
#ကျေးကို
အင်း...နေသားကျသွားမှာပေါ့ ။ ဒီနေ့လား ။
မနက်ဖြန်လား။ ဒါမှမဟုတ်ခဲ့ရင်လည်း တရက်ရက်ပေါ့။
အစကပြန်ပြီးမှတ်မိနေတတ်တဲ့ မှတ်ဉာဏ်အပိုင်းအစတချို့နဲ့ အမှတ်တရတချို့ ၊အတူတူနားထောင်ခဲ့ဖူးတဲ့ သီချင်းတချို့နဲ့ အတူတူရယ်မောခဲ့ကြတဲ့ နေ့ရက်တချို့၊
ပြန်လည်ပြင်ဆင်ခွင့်မရှိတော့တဲ့ လမ်းလွဲမှုတချို့နဲ့
ပြန်မရနိုင်တော့တဲ့ နေ့ရက်တချို့။ အကုန်လုံးဟာ
သူ့နည်းသူ့ဟန်နဲ့ နေသားကျသွားမှာ ။
- ခက်နှောင်
လွမ်းတယ်လို့တော့ ပြောလို့ရတယ်မလား ။
ပြောခွင့်ရှိတယ်မလား ။ ငါလည်း အမြဲတမ်း
ခေါင်းမာ မပြနိုင်သလို အဆင် ပြေပါတယ်
လို့လည်း အမြဲတမ်း ညာ မနေနိုင်ပါဘူး။
ဒါပေမယ့် အဆင်မပြေရင်တောင်
အဆင်မပြေတဲ့ အတိုင်းလေးပဲ ၊ လွမ်းတယ်
ဆိုတော့လည်း လွမ်းတယ်ဆိုတဲ့ နေရာလေးမှာပဲ
ထားထားလိုက်တယ်နော်။ စိုးရိမ်စရာတော့
မရှိဖူးမလား ။
- ခက်နှောင်