‌ ‌ ‌ ‌ ‌ ‌وَدْف

شِجَاهَا الرُّوحْ يَمَّكْ ذَبَّتِ الْأَسْرَارْ؟
             وَلِيشْ أَرْجِفْ عَلِيكْ وْيِنْخِطِفْ لُونِي؟
            حَتَّى النَّاسْ گَامَتْ تِعْرِفْ بْهَالْحَالْ 
            مَا أَعْرِفْ شَگِلْهُمْ مِنْ يِسْأَلُونِي!
            ​يِطِبُّونْ بْصَفْنِتِي وْعَنَّكْ يِدَوِّرُونْ 
            وِيِلْگُونِي أُفَكِّرْ بِيْكْ يِلْگُونِي!
            صَاحَتْ كِلْهَا صَاحَتْ "هَذَا بَاگْ فِلَانْ"
             وَمَا عِنْدِي لِگُوكْ وْبِيْكْ تِهْمُونِي!
            ​تِهْمُونِي بْمَحَبِّتَكْ وَاللَّه لَوْ يِدْرُونْ 
             عَلَى ضِيمِ الْعَلَيَّ يِظَلْ يُوَاسُونِي!
            مَا يِدْرُونْ عَايفْنِي بْمَهَبِّ الرِّيحْ 
            وَأَنَا وِيَّاكْ عِفْتِ الْمَا يْعُوفُونِي!
            ​الْيِحِبُّونِي شِكِثِرْ وِلْجِيَّتِي يِتَانُونْ
            وَأَخْجَلْ مِنْ كِثِرْ مَا گَامْ يِتْنُونِي!
            وَأَنْتَ الْمَا تِحِبْنِي شْلَوْنْ بَلَّا وِيَّاكْ؟
             أَمُرَّنْ بِيْكْ مَا أَمُرْ بِالْيِحِبُّونِي!
            ​عِفْتِ الْـ شِرُونِي وْمِنْ أَرِدْ شْلَوْنْ؟ 
            هَمْ أَسْوَة بَعَدْ وِانُوبْ يِشْرُونِي؟
            حَبِّيتَكْ شِجَانِي وْمَا حِسَبْتِ حِسَابْ؟ 
            خِيعُونِكْ عَلَيَّ مُو أَنَا خِيعُونِي!
            ​مَا تِحِبْنِي وْأَحِبَّكْ وِالْمُصِيبَة انُوبْ 
             أُرِيدَكْ وِأَنْهَزِمْ مِنِ الْيِرِيدُونِي!

مَا بَالُ قَمَرِي فِي غُيُومِهِ عَالِقٌ؟
            مِنْ أَبْهَتَ النُّورَ العَظِيمَ وَأَظْلَمَهُ؟
            لَا تَحْزَنِي، فَالحُزْنُ لَمْ يُخْلَقْ لَكِ،
            صَدْرِي لِهَمِّكِ قَبْلَ حُضْنِكِ يَحْمِلُهُ.
            مَنْ ذَا الَّذِي يَطْغَى عَلَيْكِ وَيُحْزِنُكِ؟
            أَوَلَمْ يَرَ حَسَن تَجَلَّى فَأَخْجَلَهُ؟

ْ

ٌ

أَنْحَبْ عَلَى فُرَاگَكْ وَأَدِگْ 
             وَشْحَصَّلِتْ مِنْ هَالْعِشِگْ؟
            النَّاسْ تَاكِلْ بِالْعِثِكْ
             وَأَنِّي أَرْكِضْ عَلَى الطَّايِحَة!
            ​أَرْكِضْ عَلَى الطَّاحَتْ وَأَجِدْ 
             تَالِي صِفِرْ أَيْدِي تِرِدْ؟
            بِإِيدِي زِرَعْتَكْ يَا وِرِدْ 
             وَلْغِيرِي تِنْطِي الرَّايِحَة؟
            ​رِيْحِتَكْ فَاحَتْ لِلْمَلَا 
            وَتِحْرِمْنِي يَا رِيمَ الْفَلَا؟
            شَخْصَكْ عَلَيَّ شْبَدَّلَه 
             مَا مِشْ صِدِيْجَّ الْيِنْصِحَه؟
            ​مَحَدْ يِنْصِحَكْ يَا بَدِرْ 
             وَتِغِيبْ نُجُومِ الْهَجِرْ؟
            سَكْرَانْ بْهَوَاكِ الْفِكِرْ 
             مَا يَوْمْ يَنَدَلْ الصِحَىٰ؟

أَجِيتَك شَايِل بْچَفِّي عُمُرْ مَكْتُوبْ بَسْ اسْمَك
            وَأَنَا الْأَدْرِي الْهَوَى بْدُونِك يْمُرْنِي وْيِخْنِگ بْصَدْرِي
            چِنِتْ مِثْلِ النَّذِر لَجْلَك.. أَذُوبَنْ لَوْ يِمُر رَسْمَك
            وَأَگُولَنْ فَدوَة لِعْيُونَه يْرُوحَنْ سْنِينِي وِعُمْرِي!
            ​عِفِتْنِي بْصَفْنَة عْمِيَان.. لَا رِحْتْ وْلَا جِيتْ
            وَأَنَا بْكِلِّ زَاوِيَة بْبِيتِي أَدَوِّرْ عَنْ بَقَايَا الصَّوتْ
            تِگُولْ الْأَزْمَة وِتْعَدِّي؟ وَأَنَا الْمِنْ فَرْگَتَك جَنِّيتْ!
            بَعَدْ يَاهُو الْيْصَبِّرْنِي؟ وِبْغِيَابَك لِقِيْتِ الْمَوْتْ..
            ​تَعَال وْشُوفْ حَالِ الْبِيْت.. حَتَّى عْتَابَه مِتْهَدِّم
            وِالْأَيَّامْ تِجْرِي بِيَّه وِأَنَا وَاقِفْ عَلَى بَابَك
            عِمَتْ عِينِي عَلَى عُمْرِي الْخِلَص وِيَّاك بَالْأَوْهَامْ
            شْجَنَيْنَا مِنْ مَوَاعِيْدَك؟ بَسِ الْحِرْگَة بْأَسْبَابَك!
            ​حَبِّيْتَك عَلَى الفِطْرَة.. مِثِلْ رِيْحَة طِيْن مِطْرُورَة
            وْچِنِتْ أَظِنَّك تِجِي بْجَيَّة العِيْد وِتْفَرِّحِ الْخَاطِرْ
            لٰكِنْ رِحِتْ وِعِفِتْ الرُّوحْ مِثْلِ الطُّيُورْ مَكْسُورَة
            لَا أَنْتَ الْإِجِيْت وْلَا أَنَا الْقَادِرْ بَعَدْ أَنْاطِرْ!

​شِيعَوِّدْنِي عَلَىٰ غْيَابَك؟ وَانِي بْكِلِّ سَاعَة
             أَگُول تْعُود وَلَا أَصْدِگ رِحِت مِنِّي!
            وِيَاي بْكِلِّ وَكِت مَوْجُود ​بْخَيَالِي كِلِّ تَفَاصِيلَك
            مَا أَعْرِف شَسَوِّيلَك؟، هَمْ مِثْلِي صِعِب لِيلَك؟ 
            لَوْ مُرْتَاح مِنْ دُونِي؟، ​هَمْ تِشْتَاگْلِي بْگَدِّي؟
            لَوْ هِيَّ أَزْمَة وِتْعَدِّي؟، الدَّمِع يَامَا حِفَر خَدِّي
            وِتَارِك حِرْگَة بْعُيُونِي!، ​أَنَا أَتْمَنَّى أَجِي يَمَّك
            وَأَسُولِفْلَك عَلَى أَحْوَالِي وَأَحُط بْإِيدَك 
            وَجَع گَلْبِي وَأَگِلَّك يَاهُو كَتَّالِي 
            ​بَعَدْنِي أَتْنَفَّس هْدُومَك وَأَحِس بَالنَّاس
             التِلُومَك وَأَعْرِف مَا خِلَص يُومَك
            وَانِي بْعِيد عَنْ عِينك ​بْكِلْشِي وِيَاي
             إِلَك ذِكْرَىٰ مَا مَكْتُوبَة عَلَى الشَّجْرَة
            حَبِّيْتَك عَلَى الفِطْرَة وْطِفَتْ سْنِينِي وِسْنِينَك.