Februaryhtoo
Book 2
181 191ထိလားမသိ unicodeမရှိပြန်လို့ ဘယ်မှာရှာဖတ်ရမလဲရှင့်
အဆိပ်ပြင်းသောကြင်ရာတော်ကိုပါ
jamestun
jamestun
အဆိပ်ပြင်းသော ကြင်ယာတော်
Chapter 19
Unicode
တစ်ဘဝလုံးမိန်းမတစ်ယောက်ပဲရှိတာကငယ်ရွယ်ပြီးချစ်စိတ်ပြင်းပြချိန်မှာချိုသာတဲ့စကားလေးတွေပြောဖို့...။ဒါပေမယ့်Fei Xingနိုင်ငံအဆင့်အတန်းမြင့်အမျိုးသားတိုင်းမှာမိန်းမတွေအုပ်စုလိုက်ကြီးကိုရှိသည်။
ရိုးရှင်းတဲ့မိသားစုတစ်စုမှာတောင်မိန်းမတစ်ယောက်ထက်ပိုရှိသည်!အဓိကစစ်သူကြီးကချွင်းချက်တော့မဖြစ်သင့်ဘူးမလား?
Gu Xietianကမိန်းမနည်းနည်းပဲယူတာမှားတယ်လို့ခံစားရတယ်!ဒါပေမယ့်..သူ့သမီးရဲ့တဲ့တိုးမေးခွန်းကသူ့ကိုသူများတွေရှေ့မျက်နှာမပြရဲအောင်ဖြစ်စေသည်။သူအေးစက်စက်ပဲပြန်ဖြေလိုက်သည်။"ကလးတွေကဘာသိလို့လဲ!ဒါလူကြီးတွေကိစ္စကိုကလေးတွေဝင်စွက်ဖက်သင့်တဲ့နေရာမဟုတ်ဘူး!"
Gu Xijiuလည်းအဲ့ကိစ္စကိုလိုက်ပြီးအကျယ်ချဲ့မနေတော့ဘူး....။သူမရဲ့နှုတ်ခမ်းစွန်းကနေလှောင်ပြုံးလေးတစ်ပွင့်ပေါ်လာပုံကသူမသစ္စာမဲ့တဲ့ယောင်္ကျားတစ်ယောက်ကိုနောက်ထပ်စကားတစ်ခွန်းမှထပ်မပြောချင်တော့ဘူးလို့ပြောနေဟန်တောင်ထင်ရသည်။
Gu Xietianရဲ့ဒေါသကသူမမျက်နှာပေါ်ကလှောင်ပြုံးကိုတွေ့တဲ့အခါပိုပြီးခလောက်ဆန်သွားလေသည်။သူစကားမပြောခင်စိတ်ငြိမ်အောင်ခဏအချိန်ယူလိုက်ရသည်။"Xijiuဒီနှစ်တွေမှာအဖေမင်းကိုပစ်ထားခဲ့မိတယ်။ဒါပေမယ့်နောက်အဲ့လိုထပ်မလုပ်တော့ပါဘူး။အဲ့တာမတိုင်ခင်သမီးအဖေကိုအမှန်အတိုင်းဖြေရမယ်။သူစိမ်းယောင်္ကျားတစ်ယောက်ကသမီးခြံဝန်းဆီလာပြီးပြန်ထွက်သွားတယ်လို့လူအချို့ပြောနေကြတယ်။ညကလည်းသမီးအပြင်တိတ်တိတ်လေးထွက်သွားတာမြင်လိုက်တယ်တဲ့..။သမီးမဟုတ်တာတစ်ခုခုလုပ်ထားသေးလား..?"နောက်ဆုံးစာကြောင်းပြောတဲ့အချိန်မှာအပ်ကျသံပင်ကြားရလောက်အောင်အကုန်တိတ်သွားကြသည်။
အဲ့စကားပြောပြီးတဲ့အခါဝင်လာတဲ့လူတွေရဲ့အာရုံစိုက်မှုကအထွတ်အထိပ်ကိုရောက်သွားကြသည်။
လူတိုင်းကGu Xijiuကိုကြည့်နေကြပြီးသူမဘယ်လိုပြန်ဖြေမလဲဆိုတာစောင့်နေကြသည်။
Gu Xijiuစကားပြန်မပြောခင်သူမမျက်နှာရှေ့ဝဲကျနေတဲ့ဆံပင်ကိုလက်လေးနဲ့သပ်တင်လိုက်ပြီးမျက်လုံးမှေးကျဉ်းလိုက်သည်။"စစ်သူကြီးGu..ဒီမေးခွန်းကအရမ်းရိုးရှင်းပါတယ်။တစ်ယောက်ယောက်ကအဲ့တာကိုပြောတော့ရှင်ကလည်းလွယ်လွယ်ပဲယုံလိုက်တာမလား?အဲ့တာဆိုကျွန်မလည်းအဒေါ့်ခြံထဲသူစိမ်းယောင်္ကျားတစ်ယောက်ဝင်ပြီးပြန်ထွက်သွားတယ်လို့ပြောရင်ရော!ဒါကစစ်သူကြီးGuအလှည့်စားခံလိုက်ရတာမဟုတ်ဘူးလား?"1
သူမမေးခွန်းကထက်မြက်လှသည်။
"ခွီ..."တစ်ယောက်ယောက်ရယ်လိုက်သည်။
jamestun
Gu Xietian လှည့်ပြီးဒေါသထွက်စွာစိုက်ကြည့်လိုက်သည်။ရယ်သံကလူအုပ်ကြားကရှစ်ယောက်မြောက်မင်းသားRong Cheဆီကလာမှန်းသူသိလိုက်သည်။
Rong Che ကအသက်၁၈နှစ်ဖြစ်သည်။သူ့ မှာထူထဲတဲ့မျက်ခုံး၊တောက်ပပြီးကြည်လင်နေသည့်မျက်ဝန်းတစ်စုံနှင့်အလွန်နှစ်လိုဖွယ်ကောင်းသည်။သူကသူ့လက်ထဲကခေါက်ထားတဲ့စက္ကူယပ်တောင်နဲ့ဆော့ကစားနေပြီးအဲ့တာကသူ့ကိုလူကြားထဲပိုပြီးထင်ပေါ်စေသည်။
တော်ဝင်Rongမျိုးနွယ်တွေမှာကောင်းမွန်တဲ့မျိုးဆက်ရှိတယ်လို့ပြောလို့ရသည်။ဘာလို့လဲဆိုတော့တော်တော်များများကကြည့်ကောင်းတယ်လေ...။သူနဲ့မင်းသား၁၂ကအပြိုင်အဆိုင်ပဲ။တစ်ယောက်ကယဉ်ကျေးသိမ်မွေ့ပြီးနူးညံ့တယ်၊တစ်ယောက်လေပြေလေးလိုကျော့ရှင်းတယ်။သူတို့ကိုကြည့်ရတာမျက်လုံးအေးချမ်းစေတယ်။
Rong Cheရဲ့အမေကတော်ဝင်ကိုယ်လုပ်တော်တစ်ယောက်..။Rong Cheကထက်မြက်ပြီးဧကရာဇ်King Luoရဲ့နှစ်သက်ခြင်းခံရသည်။
Gu Xietianရှက်ကိုးရှက်ကန်းဖြစ်သွားတယ်။ဒါပေါ့..သူမင်းသားတစ်ရောက်ကိုတော့ဘယ်အော်ငေါက်ရဲမလဲ။သူGu Xijiuကိုပဲပြန်စိုက်ကြည့်လိုက်တယ်။"သမီးမိုက်!အဓိပ္ပါယ်မရှိတာတွေလျောက်ပြောမနေနဲ့!"
Gu Xijiuမျက်နှာကအေးစက်စက်ပုံစံပြောင်းသွားသည်။"စစ်သူကြီးGu..ကျွန်မပြောတာအဓိပ္ပါယ်မရှိဘူးလို့ရှင်သံသယမရှိဘဲနဲ့ကိုပြောလိုက်တယ်။ဒါဆိုသူများတွေကိုယ့်သမီးကိုအပုပ်ချတာကိုကျ ဘာလို့ယုံတာလဲ?ကိုယ့်သမီးရဲ့စကားကသူစိမ်းတွေရဲ့စကားလောက်မယုံရလို့လား..?"
စစ်သူကြီးGu တွန့်ဆုတ်ပြီးပြောလိုက်သည်။"ဒါက..."
ဒီနေ့မှာ တရားရေးရာအမတ်ချုပ်ကြီး၊မင်းသားနှစ်ယောက်နဲ့အခြားအမတ်တွေကအမှုစုံစမ်းဖို့ရောက်နေကြသည်။Gu Xijiuရဲ့ခြံဝန်းကိုသူစိမ်းယောင်္ကျားတစ်ယောက်အဝင်အထွက်လုပ်နေတယ်ဆိုတဲ့ကောလဟလကစစ်သူကြီးအိမ်တော်ရဲ့နာမည်ကိုပျက်ယွင်းစေသည်။
သူ့ရဲ့အသည်းငယ်တဲ့သမီးကဒီလောက်စကားသွက်လိမ့်မယ်လို့သူဘယ်တုန်းကမှမတွေးမိခဲ့ဘူး။သူမေးခွန်းအမေးခံရတဲ့အချိန်မှာတရားရေးရာအမတ်ချုပ်ကြီးကိုတစ်ချက်ကြည့်လိုက်တယ်။
=====
Happy Wednesday....
