نَار

تعال شكثر مشتاقين لأخبارك
          تعال وما عليك نقدس أعذارك .

شوَية وجهَك لا تدِيره
          هو بس هالوَاحد أنت
          وفرگه الواحد چبيره .

‏يا هني و يا شوگ روحي
          و يا عزيز  و يا مزار، 
          يطفح بچفي حنيني
          و من حنيني إعليك أغار .

صبح محتاجلك والليل ماينطيك
          والدنيا تريد بس بوجهك تصبح .

ضِحكتك حِيل حلوة
          منيلَك هاي؟
          أشو ضِحكات أهَلنا توجِع الراس
          أغار مِن الخـيَال اليِمشي وَياك
          وصِرت مَجنون أفكِر خاف تِنجاس 
          وبَعد لا تِمشي وَحدك، لا يخُطفوك
          أني وي خَيالي نصَير حُراس .

وياك كُلشي حلو حتى الاشيَاء الچنت ماحب اسويَها 
          حبيتَك آني بوكت فَكرة احبلي شخَص مامقتنع بيَها .

ياهو عِندي يسوه ضلك
          أنه مَاشبعان مِنّك حَتى أمِلك .

بكُل ضياعَ الرُوح اريدك .

مبتعدين بَس
          نتشابه هواي
          وأحس شيصير بيك
          يصير وياي
          ما نختلف منسجمين بالروح
          مِثل الماي من تديره
          عل ماي.

جتفت گلبــي جتاف كـل ضـنـي ينساك
          جرني و كسر ضلعين و راح و مشى وياك.