janaamir14
بحاول أرضي كُل الناس بس أنا اللي بتعب في الآخر!
أوقات كتيرة يا صديقي بتفضل تيجي على نفسك كتير علشان محدِش يزعل منك، زي إنك مثلاً تسكُت وقت الغلط أو حتي تضحك وأنت مِن جواك موجوع، وتحاول تكون أنت "الكويس دايمًا" حتى لو دا بيجي علي حساب راحتك اللي بتخسرها كُل مرة
بَس الحقيقة يا صديقي إن رضا الناس غاية لا تُدرك ومِش هتوصلها، ثم أن مِش ده المطلوب منك أصلاً.. لأن اللي بيرضي الناس على حساب نفسُه بيخسر الأتنين في النهاية للأسف.
فا الأهم من كُل دا يا صديقي إنك ترضي ربنا أولاً، وبعدها تخليك صادِق مَع نفسك لأن اللي بيمشي بدافع رضا الله عُمره ما بيخسر أبدًا حتى ولو خسر ناس حوالية.
وخُد بالك يا صديقي الناس اللي بتحبك بصدق فعلاً عُمرها ما هتطلب منك إنك تغير مِن نفسك، ولا حتى هتفرح وأنت موجوع علشانهُم.. اللي فعلاً يستحِق مكان في حياتك هوا اللي بيشوفك بتتعب يمدلك الراحة والأمان بدل ما يطلب مِنك أكتر.
أرضي ربك وأترك الباقي عليه لأن ربنا وحده هوا اللي يعلم نيتك وتعبك وصدقك في سعيك، وهوا وحدُه القادر إنُه يعوضك عَن كُل مرة جيت فيها علي نفسك علشان ترضي غيره.
