janez_88

بخصوص توني لاحظت ولا مرة كاتبة كليشة عن وحدة من اغاني عبد الحليم مع العلم واقعا هو من اكثر الي اسمعهم شنو هاي 🤨🤨🤨
          المرة الجاية حكتب كليشة درامية عن احدى اغاني عبد الحليم لعد (غالبا حتكون موعود او حاول تفتكرني او جبار)
          
          

https://youtu.be/B1LQzNh5YQ0?si=8gdKYcpkOEIIl_83
          الشيخ امام من اكثر المغنيين الي مماخذين حقهم بالشهرة رغم عظمة الي يقدمة
          هو بنظري مو مجرد مغني وملحن وعازف لا الشيخ امام مناضل وصوت حق هو وشريكة بمسيرتة (احمد فؤاد نجم) هالثنائي عظيم جدا احدهم يكتب والثاني يحيي النصوص المكتوبة ويجسدها بصوتة والالحان
          الاغنية الي اختاريتها حاليا مالها علاقة بالجانب السياسي والاجتماعي (لان اني حياتي كامزه ومدااعرف المها انوب اركز بالقضايا المجتمعية والسياسة غير اتخبل) الي ركز علي هذا الثنائي (واغانيهم بهذني الجانبين هم عظيمات بس وضحت مو وكتهن) بالعكس تعتبر عاطفية لان حاليا هي اقرب الي وتصف اشياء ما اكدر اكولها واوصفها 
          
          مكدرت اختار مقطع معين منها لان كل مقاطعها تلمس شي داخلي بس راح اقتبس اللازمة لان تراودني بعض الكلمات والاوصاف اريد اخللها بين سطور الاغنية
          
          ان كان امل العشاق القرب
          وانا املي بحبك هو الحب
          دائما نشوف العشاق غايتهم القرب من بعض بس هنا يوصللنا احساس مختلف شلون هو شعور الحب ذاتة يكفي  رغباتة هي الحب مو علاقة مثالية يوضح بابيات اخرى شلون هو لا مرتاح بقربة ولا خايف من هجرة يمكن i sounds weird اولما تنسمع او تنقري كانما هي خالية من الحب بس هي اعمق من كل نص رومانسي اخر كانما الحب وصل لمراحل اعلى هو ميحتاج شروط مجرد وجود الاحساس يكفي.
          وبآخر مقاطع الاغنية يحجي عن كون حبة ميتأثر بالهجر والمخاصمات ولا هو يتغير (دنا برضو انا) (دنا حبي كبير) يوصل لمراحل من الحب بحيث ميهمة البعد ولا الهجر ولا المخاصمات الحب هذا مزروع بداخلة جزء لا يتجزأ منه قرن هذا الحب بروحة وبنفسة بعد الى وين ممكن يوصل هذا الحب؟ هو اكو شي اعمق من هذا الوصف؟
          
          المهم كايز الي وصل للنهاية عذروني علكلايش الي اكتبها بشكل شبه يومي بس واخيرا لكيت مكان اعبر عن نفسي بي وعن ذوقي الموسيقي. 

والي يعرف هايلايتر حلو ينطينة اسمة
          وهل هايلايتر رير بيوتي حلو ويستحق الشراء بعيدا عن انه ينكسر لان ماريد ادفع كومة على هايلايتر ويطلع مو هلكد وهو اني طيزي طالع من التقشف وهاي اهلي كبل جانوا يحترموني ينطوني مصروف بس صارلهم شهور من غلسو علية وفوكاها ميدفعون فلوس طلبياتي اني ادفعهن من القوت الي جمعتة شنوهاي حتخلص فلوسي شو اشتري ملابس ميبقى فلوس للمكياج اشتري مكياج ميبقى فلوس للجنط اشتري جنط ميبقى فلوس للطلعات اصرف علطلعات لازم حتى ستياني هم ابيعة من الفگر
          خلتخلص امتحاناتي الة اسوي عليهم انقلاب استرجع بيها فلوسي المسروقة المنهوبة
          انوب شنو ينطون لاختي دبل الفلوس الي ينطوها الي وهسة حتى النص مالتي هم كطعوها 
          
          تحملوني وتحملو الخريط الي كتبتة عندي طاقة مال تذمر وسوالف وماعرف وين افرغها
          والله انتوا الي مسويلي فولو شكد مشؤومين شلون تتحملون الدك واللطم هذا كلة

احس اريد احجي عن الdouble life او بالعربي الحياة المزدوجة
          انتو هم عدكم حياتين تعيشوها؟ وحدة الكم ووحدة كدام الناس او تحديدا الاهل لان متكدرون تعيشون حياتكم الحقيقية كدامهم ولا تكدرون توازنون بين رغباتكم ورغباتهم

والله مادري ماأجة ببالي شي افشر علي واتذمر منة منظومتي الفكرية انهارت. 
          
          

شنوهاي صاير يومين مكاتبة جرائد من التذمر والبؤس والتناقضات خلاختار موضوع انتقدة لان سأمت من انتقادي لجانب واحد من حياتي 

امتحن الاسد اللهم لا حسد 🦁🧿🪬
          اشتاقيت من بالدور الأول جنت اكتب اخبار الامتحان بمنصة غيم بس هسة تقشف راح اكتب هنا يمي 

كيفَ أُصَدِقُ أنْي أَمضِي
          وَكُلِي لَديكَ وَبَعضِي مََعِي
          
          
          
          
          امضي وشهور عمري تخلص شهر ورة شهر والدنيا من حولي كلها تغيرت ومشت كل شي تغير الا اني بعدني بذاك اليوم بنفس المكان بس الشعور غير الشعور اقسى، اسوء، اشد من كل وقت مضى دنياية تمشي واني ثابتة بمكاني اذا مو ارجع ليورة صرت حتى الشعور الحلو ما احسة، هواي اشياء صارت جنت اتمناها قبل ولو صايرة بوكتها جان فرحتي ملت الدنيا كلها بس تعبت لدرجة حتى الفرح ثگيل على گلبي....
          ميمر اليوم اذا مياخذ جزء من ذاتي ويا ميمر الة وهو شالع جزء عظيم من شخصيتي القديمة المتفائلة الشغوفة الي هلكدما عدها امل تمشي وتوزع ايجابية على الناس، وهسة؟ حايرة منين اجيب طاقة وشغف اكمل بيها باقي ايامي اتمنى لو ارتاح من هالدنيا ولو يوم واحد بدون اي هم وعبء
          اتسآئل باستمرار... ممكن بيوم ترجعلي فرحتي؟ زين اذا صار الي اريدة هل راح افرح؟ واذا مصار شكد ياخذ مني الموقف حتى استعيد ذاتي؟
          من كثر التعب احس لو صار كل شي اريدة راح بس ابقى اباوع عليها ولا كانه هذا الشي هو الي بيوم جنت مستعدة ابيع روحي كلها علمودة
          مادري
          وشكراً. 

أيُّ وَهمٍ أنتَ عِشتُ به؟
          كُنتَ في البالِ ولَم تَكُنِ
          

وطنية ماكو صار يومين
          الكهرباء تروح وتجي
          الدنيا حارة
          من بداية الثامن مريضة حيصير شهر طبت اسبوع ورجعت مرصت وفوك المرض الخفقان مديوگف ودتلعب نفسي صار ٣ ايام وحتى ضيق تنفس هم صاير عندي
          وباجر امتحاني ولا اني نايمة ولا حتى قارية
          فاتحة الاسلامية واسمع ياس خضر حن وانا حن خاف ناقصني ضيم حتى اشعل روحي بالزايد
          وفوكما تلعب نفسي واريد ازوع من صدك و ميتة جوع هم شنو هالتناقض هذا مادري
          وفوكاها الوجع الي براسي مو طبيعي وعيوني كل شوية تغوش لو الرؤية تسود
          بعيدا عن الوجع الي بجسمي كلة
          وفوكاها امي وابوبة كلما يشوفوني يكولولي "احنة ممسافرين من ورة امتحاناتج" يخي روحو افتروا الدنيا كلها شكم مرة اكوللكم على الاقل يفرغلي البيت واعيش بهدوء اخذوا ابنكم وروحوا وجودكم مأزمني
          وفوك هذا كلة عقلي ديموت من كثر التفكير ميسكت شلون اطفي
          الالم الي بصدري مو طبيعي احس عبالك حاطين طن فوك قفصي الصدري واعضائي محشورة حشر 
          دخيلك ربي لو ذابني بجهنم ولا هاي العيشة الزفرة عن نفسي حعتبرها بروفا لجهنم
          وشكرا ً.