أنا طوى حالي من الحب طاوي
حالي بداه النقص والسر مصيون

واللي على شانه كوى القلب كاوي
أبطيت من شوفه وانا فيه مفتون

بيني وبينه في المحبة تساوي
ممنون من شوفه وانا فيه ممنون

بالجفا والصد ما هوب ناوي
وانا حشى لله ماجفا ولا اخون

أيام لاهل الحب ما هيب تاوي
تدني وتبعدهم عن اللي يريدون

أيام خلتني وحيدٍ شقاوي
قفت بخل عنده القلب مرهون

الحب للعشاق أمرٍ سماوي
لا شك بعض الناس ما همب يدرون

لو المحبة باختيار الهواوي
ما صار بين الناس ناسٍ يحبون

راعي العقل يفهم جميع الدعاوي
ولا يلوم اللي من الحب يشكون

واللي يلوم أهل الهوى ذاك غاوي
يحسب من الغاوين واللي ينمون

جريح ألصمت
ملگ ألذؤق ألهروبي