jeanfrom2011

@49bluetoxic  @eyem_lala salamat po sa follow

jeanfrom2011

INIISIP KITA SA PARAISO NG PAG-IBIG ni mdligaya
          
          Iniisip kita sa paraiso ng pag-ibig
          
          Sa pangarap na banig, ng tuwa at sakit
          
          Napipili ng "mata ng pag-asa"
          
          Ang bawat tuldok na gustong makita
          
          Bumubuo ng istorya - 
          
          Na habangbuhay masaya
          
           
          
          Malambing ang langit, mainit ang halik,
          
          Mahimbing ang tulog natin - 
          
          Magkayap, magkapiling

jeanfrom2011

ANG PAG-IBIG ALINSUNOD SA PAKETE NG TIDE ULTRA
          isinulat ni Gilbert M. Sape
          
          sabi ko
          ayaw kong maglaba sa gabi
          hindi ko alam kung bakit
          
          siguro’y ayaw kong makitang
          nakasungaw ang bituin sa ulap
          at pinapanood ang bawat kong kusot
          
          pero hindi kagabi—
          ang totoo
          naglaba ako
          
          sinamantala ko ang pangungulimlim
          ng bituin sa nangingilid na ulap
          
          at natitiyak ko
          maputi ang aking nilabhan
          sinunod ko yata ang bawat instruksyon
          sa likod ng pakete ng tide ultra:
          
          1. kunin sa timba ang damdaming
          matagal nang ibinabad
          
          2. kusutin nang mabuti
          pabulain
          pabulain upang matiyak na
          natatakpan na ng bula
          ang mga salitang noon pa sana sinabi
          
          3. at dahil nahuli na sa sikat ng araw
          na siyang pagkukulahan,
          lagyan na lamang ng clorox
          upang kumupas at walang makakita
          sa mantsa ni Eros
          
          4. banlawan
          maraming banlaw
          at tiyaking maisama sa tubig
          ang mga sentimiyento
          at panghihinayang
          
          5. ibuhos sa kanal ang tubig
          upang makapagtago sa burak
          ang mga pagsinta
          
          6. isampay sa mahanging lugar
          ang nilabhang damdamin
          pabayaan itong makahinga
          matagal na rin namang
          naikubli ito sa baul
          
          Pagmumuni pagkatapos…
          
          napigaan ko na ang damit
          mariin
          nakalimutan ko nga lamang
          pigaan ang tubig sa aking mata
          
          paalam muna
          samantala’y magpapatuyo muna ako—
          ng damit
          ng mata
          
          sana’y walang makakita
          
          salamat sa pakete ng tide ultra

jeanfrom2011

Nais kong magsulat para sa iilan;
          Sa iilang nakakaunawa ng aking damdamin.
          Nais kong ipinta ang kulay ng iba't ibang buhay,
          ang isulat ito sa papel o 'di kaya'y itipa sa computer.
          Nais kong tangayin ang aking diwa ng mga kataga sa dimensiyong hindi pa naabot ng aking mga paa.
          May mahika ang pakpak ng panaginip;
          May musikang hatid ang kuwento sa damdamin,
          Musikang hindi namamatay kahit wala nang tugtugin.