⛲.

نخاف نواجه ، دايما نتهرب.

الاحساس بالمراقبة سبب من اسباب عدم انجازي ، نحب نكتب ونفرغ خصوصا هنا فالمنصة نحسها مذكرة جميلة نقدر ننشر فيها حاجاتي ، افكاري ، كتاباتي و اي حاجة تخصني عندها علاقة بأفكاري ولا يومياتي . نحس المنصة واحدة من نعم الواتباد و وحدة من الحاجات يلي تخليه بيستمر ناقصه فقط تغيير حكاية الايموجيز ويولي توب التوب . لكن شعوري بالمراقبة وانه هناك شخصيات تقرأ كلامي و تستشعر عواطفي يعطيني نفس الاحساس انه احد تسلل لعقلي وقرأ ما يجوب به . يخليني دايما نحس انو كاين بنادم قاعد يحكم علي ويقيمني حسب فكرة طرحتها حتى لو كانت متمثلنيش شخصيا.
          اعتقد السبب كان فالحساب ؟ الحساب يلي الناس عرفتني منه و قرأت فيه افكاري ويومياتي ؟ ولا السبب آخر ؟ نحس بنفس الاحساس فالمنصة هذي لكن الشعور خفيف جدا لدرجة قاعدة نحكي شوي بالعامية وشوي بالعربية .
          مش عارفة احساسي اتجاه التطبيق هذا لكنه شعور سيء عامة ، نحب التطبيق هذا للتوثيق جدا خصوصا فحكاية الكلام يلي ننشره وكتاباتي ولا على التولباس بصح بصفة عامة المنصة تاعي ناسها judge.

شحال من حاجة راني حابة نهدر عليها
          - علاقتي فكو 
          - الكتابة 
          - قرايتي
          - الاحساس بالمراقبة ف ريزو
          - الاحساس بعدم للإنجاز 
          - السبليز
          - علاقتي فأهلي

توحشت نكتب ، توحشت نكون انا القديمة يلي عندها الشغف ، عندها العقل وعندها القدرة تكون سبب لسعادة الآخرين .
          im not this anymore.

Ig الحاجة الوحيدة يلي نسحقها ضكا هي المواجهة ، مواجهة نفسي لا اكثر يلي قاعدة نتهرب منها هذي 6 سنين.
          6 سنين ماقدرت ننجز فيها والو ، لا على الصعيد الاثيري ، الجسدي ، الدراسي ،المالي حرفيا rien .
          و المؤسف راني مكملة بنفس
           rythme sans faire aucun changement .
          
          الشغف ماهوش سبب ، المفروض يكون وسيلة لا اكثر ، بصح راني دايراتو سبب لنجاح بلاصة مايكون مؤكد ليه لا اكثر ، ونحصلها دايما فالغير بلاصة مانحصل في روحي اغلاطي .
          اغلاطي يلي قاعدة تمتد وتتجاوز نفسي حتى وصلت لكو ، the man who doesn't deserve anything bad.
          
          كو بكلامه وعاني ، مجرحنيش بكلامه بقدر ما وعانِي انو راني قاعدة في بلاصتي ، وقعادي مش بس يأثر عليا انما عليه بدرجة اولى ، وقعادي هو سبب من اسباب الازمة يلي وصلنالها ، في حين نقدر بكلماتي ، اصراري ، و تغيير في معتقداتي فأقل من شهر من ضكا يظهر حرفيا اقل من شهر من المحاولة واقل من شهر واحنا نعالجو فالوضع ابتداءا بتصليح علاقتنا وانتهاءا بظهوره .
          
          ماني نشوف حتى فرق بيني وبين اي مضيفة استغرق ظهور تولبتها مدة عام او اقل ، الفرق الوحيد و الجوهري هو اصرارها . Mashi someday he'll show himself , he's showing himself. 
          
          
          المضحك المُبكي انني بين الفترة والثانية نخاطب نفسر بنفس هذي العبارات التغيرية بلا ما نرددها يوميا ونحطها هدف صوب عيني ، وانو التغيير يبدا بخطوات

حالي حال البناء ، قاعدة نبني أسوار وحواجز ، معنديش الشجاعة الكافية يلي تخليني امضي قدما ، وفنظري بنائي ناقص دوما . 

حرفيا خممت فمليون سبة تخليهم يضاربو مالقري مدخلنيش ، حياتهم وهما حرين فيها بصح بعيدا على هذا الموضوع فعلا راني حاسة كاين حاجز بيتاتنا ، حاجز معرفتش شكون بناه ، وقتاه ولا كيفاه . حاجز بخليه ينتمي للعالم تاعي و يخليني انا برا بحجة الحِماية . منعرفش وشمن حماية حنديها كي نقعد بعيدة ونشوفهم لزوج يتسالخو

من البارح نخمم نهدر. معاه بصح علبالي غادي يشعل فيا ، والله i didn't mean نجرحو ولا نخليه يلحق يتنارفا للدرجة هذيك 

الهدرة تاعو somehow عندو الحق فيها 100%

من البارح معلبليش وش هو تحساسي بصح برك راني عيانة ، الخرجة تاع اليوم 100% جات ومجاتش فالصواب ، اسا مخرجتش كنت حنطرطق و كي خرجت قريب طرطقت