jimxir
كلكم حرفيًا توگعون بخطأ بالاستمارة!،
ليش ما ادري:(((((((!!،
ممكن لان اني ما شرحت زين؟!، ما اعرف!!،
المهم،
سؤال 'سبب الفكرة؟'،
اني اعني بيه شنو هو محور الفكرة،
الي سبب كل هذه البارتات والدراما وممكن الحب اذا رواية رومانسيه!، ليش صار كل هذا؟، بسبب منو؟، انطيكم مثال،
فكرة رواية، حرب بين ابناء عم، لدرجه توصل بيهم،
لمحاولات انهاء بعض، تحليل، وجرائم ومحاولة ايقاع،
بعدة امور، مثل تهمة امتلاك مخدرات وممنوعات وحمل السلاح وغيره....، كله حتى بس يوگعون ببعضهم،
لدرجه يقتلون لسبب..
فهسه يكون هنا شنو هو سبب الفكرة؟، ليش كل هذا الحرب والدمار بينهم وهمه دمهم واحد؟،
ببساطه محور الفكرة راح يكون
'الميراث'، وممكن همين يملكون افكار نفسيه،
انانيه وغرور وحب للإمتلاك والانفراد، ممكن احد يوسوس لهم،
بـ 'انت الاحق بهل شيء' ،
'وانته الاكبر لازم تاخذ اكبر حصه'،
وغيرهه...
كل هذا مشاكل تكون محور للفكرة، وعامودها!،
اني ابدًا ما اقصد، ليش انتي، او شنو سبب تفكيرج بهل فكرة!، بل فكرة الفكرة نفسها!،
واحزروا كم مره گلت فكرة:)..
لهل سبب اسأل، حتى تكون عندي معلومه واضحه
لروايتج بشكل كامل،
لان ممكن ببساطه اضيف بالغلاف اشياء نفسيه توضح الرواية اكثر وعن عمقها،
بالنسبة الي كمصممه، هيج امور جدًا اشوفها تجذب القارئ بالغلاف!،
واني همين احب لوفة الفكرة..
سوووو، اتمنى تكونوا فهمتوا هل شيء..
love u!!..
