𝐉. 𝐒𝐚𝐯𝐚𝐠𝐞

- أمجاد افريقيا عطكم الضيق وشياط الريق بالجو هك .

- مازال خاطري نكتب لكن لازم نرقد، بكرة عندي امتحان كيمياء وماقريتش باب كامل فيه، مع هذا كله مش خايفة مش عارفة كني مبردة هك، خايفة الواتباد التر نلقاهم مخربين منصتي معش يخلوني نكتب نكتئب، نحب منصتي المنبوذة ياهو، الحمدلله اللي ماحد يعرفني هنا .

- عموماً صار في مواقف في المدرسة خاصة اول امس صدمني في ناس يالهوي ديما حرفياً كليت فيهم كف مش طبيعي، معقولة في ناس ما تخافش من العشم؟؟ حاجة غريبة وربي .

- المهم ما صدقت الواتباد صلح عشان نكب شوالاتي رايفت اقسم بالله حسبي الله في إدارة واتباد حتى هم ديما ما يخلوش فيّ نكتب على منصتي يقولوا لي خطأ في الخوادم معش نعرف امتى يصلحوا فيهن بصراحة.

-الوحيدات اللي كيوت ابلات المواد متاعاتي بإستثناء أبلة الرياضيات والإحصاء هذي اكثر وحدة كبدي عليها دم حسبي الله فيها لعند السنة اللي فاتت وانا حتى الأبلات مصدومات في ذكائي في الرياضيات خدعلى وجه الخصوص ونطبق فيه هو الوحيد بدون حتى ما نفتح فيه صفحة تجي وحدة زي هذي تحسسني بالعجز في ملعبي؟؟ لا وأخرى يشوفوا فيها ضي اطنيش خزي خزي خزي .
          واخرى نحب الأبلة اللي عالباب هذي حنان مع أن ماصارش حديث بيني وبينها لكن ادلّع فيّ وحفظت اسمي بروحها وتقول لي "عويشة" وعيوشة تستغل في نقاط ضعفي ومرة عطتني سحلب بالقرفة نجكلي ياخيتي كيوت الأبلة را 3>.
          ونحب أبلة أسماء وابلة جندية وابلة ندى وابلة الكيمياء الفلسطينية تهبل مع أن امتحاناتها قطيعة بس حبي ياهو .
          واخرى مرة مش عارفة كيف درتها بس اضبطت أبلة ندى وحسيت نسنسمسمنسنسمن لأن جت عفوية بكل بكل .

- عموماً حتى المديرة منافقة وكذابة وأي حد في كنترول المدرسة كذاب فعلاً وياهو فوق ما خصايل البنات المعفنات فوق منهن سراقات مستوعبين الوضع؟!!! أنا خلاص نبي نهج يابوي هذي نار في الدنيا عطهم ضيق وحريق .

- بنبكي، أنا متأكدة أن المدرسة الجربة اللي نقرا فيها هذي مش مكاني ولا تمثلني ولا أصلاً معترفة بيها، فوق هذا كله يطلعن البنات وقحات وقليلات أدب وفعلاً فعلاً مش متربيات حشى فئة قليلة واجد ..
          واللهِ بنات العامة احسن منهن بمليون مرة ونشهد بالله مافي كيف بنات العامة إلا بنات الخاص هذين وسخات حشى شوي ناس ينعدوا عالأصابع .
          المهم انا بجد مش منتمية للمكان اللي أنا فيه أبداً وانا أصلاً أصلاً كنت نشوف في الدراسة إجبار عليّ، توا قعدت كأني نمشي لحبس مع الأعمال الشاقة اللي هي مسايرة الأشكال اللي نشوف فيهن!؟ واجد على كبدي بصراحة .
          عموماً انصدمت في ناس وفي ناس كنت شايفتهم هكي مالبداية وأثبتوا نظرتي فيهم، لكن طلعوا أسوء حتى مما تخيلت .

- الواتباد يعطل عندي ديما أنا بس ولا الناس كلها؟

- أنا مش عارفة الشي هذا شن معناه، بس نحس أن اسمي "عائشة" مش ليّ ..
          مع أن كانت اموري معاه طبيعية عادي بس مش عارفة شن صار توا نحس فيه مش اسمي، كأنه اسم غريب علي ..

- نحب ريك مرخرة 3>.