رغم الصداقات اللي تعبتني وخيّبتني
كانت اغلبها نفاق بس انتي؟ دايم غير وجودك معاي 
دايم يحسسني بشعور حلو انتي والله ماانكر انك افضل صحباتي انتي ومابعدك احد

بعد كل الناس اللي عرفتهم،
وبعد كل الصداقات اللي كانت مجرد كلام وتمثيل
جيتي انتي ثبتي لي إن مو الكل يشبه بعض.

 انتي الوحيده اللي ارتحت لها بدون خوف،
والوحيده اللي إذا ضحكت أحس الدنيا تهون،
يمكن مرّوا بحياتي كثير،
بس محد قدر ياخذ مكانتها بقلبي أبد

وكل مره أعطي قلبي للناس يرجع لي متعب من الكذب والتصنع والمواقف اللي تكسر الخاطر.
جربت ناس كثير،
ناس كانوا يضحكون بوجهي ويقسون من ظهري،
وناس حسّسوني إن الوفا صار شي نادر.

لين عرفتك انتي.

معك حسّيت إن فيه ناس فعلًا تستحق المكانه اللي نعطيها بقلوبنا،
حسّيت بالأمان بدون ما أطلبه،
وبالراحه بدون ما أحاول.
وجودك مو عادي أبد،
كأنك الشي الحلو اللي جاء بعد تعب طويل.

أحب تفاصيلك حتى البسيطه منها،
طريقتك بالكلام، ضحكتك، اهتمامك، وحتى سوالفنا العشوائيه اللي يمكن محد يفهم قيمتها غيري.
يمكن انتي تشوفين نفسك شخص عادي،
بس بالنسبة لي انتي فرق كبير بحياتي.

ولو سألتيني وش أكثر شي أحبه فيك؟
بقول: إنك ما خليتيني أندم إني وثقت بأحد مره ثانيه.❤️‍🩹