Si @joshROARy ay isang Wattpadder simula pa noong Agosto 2014. Siya ay mula sa San Manuel, Pangasinan. 

Siya ay nakapagtapos sa Mababang Paaralan ng Arzadon sa primarya at Mataas na Paaralang Juan C. Laya sa sekondarya, pangalawang pangkat ng K-12. Sa kasalukuyan, siya ay kumukuha ng BS Physics sa Unibersidad ng Pilipinas, lungsod ng Baguio.

Nagsimula siya sa pagsusulat ng mga love letter sa pagkabata hanggang sa naging punong-patnugot ng kanilang pahayagang pangkampus, sa midyum na Filipino. Lathalain ang madalas niyang isulat. Minsan ay mabulaklak, minsan nama'y puro sanga at dahon. Ngunit iisa ang hangarin. Ang magbunga.

Patuloy ang kaniyang pagsulat. Inspirasyon niya itong mga nakakatakot na kwentong mas nakakatakot kung hindi ikwekwento.