kirolosshaheer69
رمضان كريم عليكي يا أجمل صدفة دخلت حياتي في يوم من الأيام
يمكن المسافات كبرت بينا ويمكن الكلام قل برضو ويمكن بقينا بنتعامل وكأن اللي كان بينا صفحة واتقفلت بس الحقيقة إن في حاجات ما بتتقفلش بسهولة خصوصًا لما تكون طالعة من القلب بجد
رمضان دايمًا بييجي ومعاه سكينة غريبة بتخلي الواحد يراجع نفسه ويصالحها وأنا بصالح نفسي لقيت إن أكتر حاجة نظيفة جوايا كانت إحساسي ناحيتك حتى لو اتوجعت وحتى لو كان ده انتي شايفاه بسببي بس والله مش بإيدي حاجة كنت اقدر اعملها
استحالة هقدر انساكي أو انسي اي كلام بينا
أنا مش بكتبلك عشان أرجع وقت و حاجات تاني ولا عشان أفتح باب يمكن ربنا كتب أنه يتقفل
بكتب عشان أقولك إنك كنتِ نعمة في حياتي حتى لو ما استمرتش وبحمد ربي علي النعمة دي
وإن وجودك علّمني أكون أهدى و أصدق وأقوي انتي كنتي سبب في تغييري انا قبل مكلمك كنت اكتب مش عايش حرفيا بس معرفش ايه اللي حصل واذاي كل ده عدي بسرعة كدا
في الشهر الكريم ده انا بدعيلك من قلبي
ربنا يطبطب على قلبك و يرزقك راحة من غير قلق وضحكة من غير حزن وأيام كلها نور
لو كنت في يوم سبب في تعبك و زعلك سامحيني
ولو كنت يوم سبب في ابتسامتك فده أعظم شيء ممكن أفتخر بيه
يمكن مابقيناش لبعض
بس هتفضلي جزء حلو من دعائي خصوصًا في ليالي رمضان
رمضانك دفا وطمأنينة
ويا رب قلبك يعرف السعادة أكتر ما عرف الزعل
