Kamusta ka?
Nandito ulit ako, ilang beses sinubukan sumulat muli. Dami na nagbago, dami kong nabalikan dito’t natanto kung gaano kayang maglikha ng pagsusulat. Salamat sa mga sentimentong ngayon ko lang nabasa, at siguro’y hindi mo na rin matandaan, ilang taon na ang lumipas. Ngayon lang bumalik sa ‘kin na kaya kong makaramdam nang ganito kalalim, kayang masaktan para sa mga naisulat, at kayang maging masaya sa bawat iyak ng pagbabasa.
Muli akong magsusulat, muling lilikha at kikilala ng mga buhay na sa mga isip lang nating dalawa makikita. Samahan mo ‘ko sa pag-uwi.
