Isa akong...

...seryoso at loko, masipag at tamad, nangopya at nagpakopya (at nahuli!), nagka-crush at may nagka-crush, umibig at inibig, nag-aral at pumasok lang, pumasa at bumagsak...at nakatapos pa ring estudyante!

Isa na ako ngayong guro. Dati akong humihingi at namimigay ng wamport. Ako na ngayon ang nagpapahanda nito upang kilalaning maigi ang buhay-estudyante na siyang dating kalagayan ko.

Isa na ako ngayong guro. Pero itinuturing pa rin ang sarili bilang isang estudyante sapagkat habang may lapis at wamport, patuloy ang pagkatuto ng tao sa pinakamalaking unibersidad, ang daigdig.