mk 12w

‏غلطه عمري من عفت الدراسه
          وعفت مستقبلي وهدمته اساسه
          وبدل مااريد تعين اختصاصات
          كمت ادفع افلوس اعله الحراسه
          الجنت اضحك عليهم هسه اطباء
          وداعيك صفه الضيم اعله راسه
          وبالمسايس كضاها ويانه الاستاذ
          واحنه نريد نشرد بالسياسه
          شردت من الدرس بس شردت الضيم
          اعله مود اللعب جانت ولوناسه
          وعبرت الحايط وعبرني جيلين
          وضوكني الوكت من ضيم كاسه
          انتكاسه تجيبني وتاخذني للضيم
          واكوم وهم اطيحن بنتكاسه
          حسبالي الرئاسه بعركه تنجاب
          وطلع بالعلم تنجاب الرئاسه
          غلط ساعه بس ضيعك سنين
          وموكل غلط ينحل بسلاسه
          غشمه وماعرفنه الدنيه دولاب
          الماعنده شهاده تنبذه ناسه
          نص عالساتر ونص عمال
          ونص منهم العوز بجدمه داسه
          ذوله حنه لشردنه من الدراسه

‏وفي هذه الحياة 
          هناك اشياء كتبت لنا لا نستطيع ان نغادرها وتبقى في داخلنا حتى لو قررنا الابتعاد عنها
          ذكريات لاتنسى.....
          ودمعى تساوي عمراً...
          ...ونضرا تختصر الكثير
           اماكن لا نغادرها مهما ابتعدنا
          واناس لا نودعهم مهما ابعدتهم المسافات
          وعلى رف هذه الحياة ثمه كلمات لا تموت......

‏:ينراد كعده وبس عجايز
          وكبالي احط كومة جنايز
          وابجي بواجي مال خسران
          كدام واحد توه فايز مالت
          نعاوي ومالت كبور مو مال
          أعيشن لجن مجبور والحزن
          بيه يدور ناعور مطرور كلبي اليوم مطرور

:ليش يا ثالث عيوني
          ليش يا تالي الحبايب
          ليش يا بعد امهاتي
          ليش ماگتلي من لاول
          انه مو صاحب طويله
          لا تحـبـنـي
          ليش يا خايب عودتني!

زعلانة مو هسة ولا لبارحة 
          زعلانه صار سنين
           زعلانة من الكل صح اني تقبلت ومشيت بس بداخلي زعل
          لو الكون كلة يعتذر ؟ما ارضى 
          بداخلي زعل مو مال صغار 
          بداخلي زعل شياب 
          وكسر خاطر مو بكلمة ينجبر ولا بتسيارة عزيز 
          بداخلي زعل كلش جبير .

خليني اطيب خاطرك ماريد اطيب جرحك
          وامسح دمعتي وابتسم واحجيلي كلمه تفرحك
          راح ابقى ذاك اليفتقد ويتابعك وينصحك
          ماريد من عندك صلح خليني معتبرك ربح
          واعشك ضحكتك حتى لو تقرى بوصيتي وتضحك
          إنه اليطير من الفرح لو شاف ريش بجنحك
          واكبر وافرح ونغر
          خليتني بنار احترك كون الله لايشوفك حر

والي مثلي بهل عمر يشبع دلال 
          هواي ضام بكلبي ما حاجي الصدك 
          ياهو يدري بداخلي صاير خراب 
          وياهو يعرف بية كل ليلة احترك
          كلمه شلونج من يكلولي اموت 
          جنها دخان اعله رية مختنك
          انه ما حاضن ابو وشابع دلال
          ولا ادين ام الكه من ابجي انشبك
          الدنيا كالو يوم الك يوم العليك 
          هنه شو كلهن علي طبكن طبك

مابين الدمع والخد
          موضوع انفتح وانسد
          واحساسين مختلفات
          گلب ابيض
          وحب اسود
          والف نعلى على ذاك الجابلي الغربيل
          من يوم اللزمته وما بقالي احد
          چان الشك چبير بشبچة الصياد
          بشر يومية يوصل للسما وينهد
          ولان خجلان منها اكتبها
          بس ماگول
          عمت عين الرسالة الماتحصل رد
          واتعب
          والزرع گبل الحصاد يموت
          سبع حبها وخطبها التحق واستشهد
          وأقر واعترف واشهد
          اكبر مرض عندي القلق والتفكير
          واكبر امنياتي اعترض واتمرد
          واقر واعترف واشهد
          واذا تارس غرفتي شفادني الدخان
          اذا هي المشاعر بالگلب تبرد
          وبعد مابية حيل الضحك والتمثيل
          صرت واصل قناعة الدنيا مو مشهد

‏شبيها عيونج؟ تردين تبچين
          سواد بعينج وكوة تحچين
          شبيج احجيلي لتخافين
          ليش هواي ذبلانة؟
          شنو متعب معانيچ؟
          اول مرة اشوفچ حيل كبرانة؟
          اول مرة احس مكسورة من تمشين!
          واني الي اعرفج اقوى انسانةة
          شكد مكابرة وهلكثر تعبانة؟

مرةً في العُمرِ
          يقِفُ الإنسَان بجوارِ أحدِهِم
          ولا يودُّ التحرُّك
          حَتّىٰ لَـو فاتَهُ العَالَم!