kookiejungkok

کوو کووو

باڵندەکەم بۆ کوێ فڕیت؟
          چاوم لێت بوو بەرەو دوور هەڵفڕیت 
          لەناو ئاسمان بزر بوویت 
          خۆزگە منیش باڵندەیەک ئەبووم 
          هەر لەدەورت هەڵەفڕیم 
          بێزار نەئەبووم و دایمە لەدەورت ئەگەڕام 
          وەکوو ئێستا دەست و پێ سپی چاوەڕوان نەئەبووم'
          نازانم سەبارەت بەتۆ، لەمن وون ئەبوویت یان ئاسمان
          بەڵام من لەتۆدا وون ئەبووم، بێ ماندوو بوون بۆت تێئەکۆشام 
          نەمەویست خۆشی فڕین لەئاسمان 
          ئەمویست لەتۆدا خۆم بزر کەم 
          هەتا گەر ئازاری لەگەڵ تۆ بوون بگاتە سەر ئێسقان
          پەشیمان نابم لەهەڵبژاردنی تۆ 
          مەگەر جوان نابێ بەڕای تۆ؟ 
          من و تۆ...
          دوور لەهەموو کەس، دەوروبەر وەها بێدەنگ 
          گوێت لەدڵمە ترپە ئەکات 
          لەگەڵ هەر ترپەیەک لەمن داوا ئەکا دڵی تۆ 
          چاوەکانیشم هەر لەسەر هی تۆ 
          بەئیزنی خوا ئەبمە شەهیدی ئەوینی تۆ.
          

جەژن هات و تۆ نەهاتی 
          ئەگەریش بێی یەکەم پرسیارم..بۆچی هاتی؟
          ئەمەوێ دڵتم هەبێ 
          بەڵام تۆ...تۆم ناوێ 
          ئەمەوێ بێ تۆ جەژن کەم بەڵام کوا من جەژنم هەیە؟
          هیچ جەژنێک بەقەدەر هاتنی تۆ خۆش نییە 
          بەڵام دیسانەوە چ جەهەنەمێکە لەگەڵ تۆ بوون. 
          تۆ لەهەمان کاتدا ئاگر و ئاوی!
          منیش تینووم و سەرمامە 
          گەرم نابمەوە تا لەناو تۆدا نەسوتێم 
          نامەوێ دیسان ببم بەخۆڵەمێشی دەستی تۆ 
          بەڵام دیسان خنکام لەتینوویی بۆ تۆ 
          ژین بێ تۆ وەکوو ئەوە وایە لەبیابانێ ئەژیم 
          بەدوای ئاوا ئەگەڕێم هەر ناتوانم بیدۆزمەوە 
          هەموو شوێنێک وەکوو یێکە 
          ڕاست و خۆڵاویی.. 
          خۆزگە هەرگیز تۆ بۆ ژیانم نەهاتی 
          ئەوسا منیش کابوسی هاتن و مانەوەی تۆم نەئەدی
          لەناوی نەئەژیام و فرمێسکم بۆ دوریت دانەئەکوتی 
          خۆزگە قەت تۆم نەدیبایە 
          لەدوورترین شوێن و جێگا بوومایە 
          دڵی من وا دیلی تۆ نەبووایە
          خۆزگەکانیش لەگەڵ با نەفڕیبوونایە...

دەمێکە تۆم نەدیوە 
          بشتبینم شێوەتم لا غەریبە 
          چون دەمێکە تۆم نەدیوە 
          ..دەمێکە خاڵەکانی ڕوخسارتم نەژماردووە 
          دەمێکە لەچاوەکانت بۆ خۆم نەگەڕاوم تا خۆمی تیا بدۆزمەوە 
          هێندە بیری چاوەکانی تۆ ئەکەم خۆم لەشەودا بزرەکەم
          بەئاواتی چاوەکانی تۆم! 
          شەو چەندە تاریک بێ ناگاتە ڕەشی چاوەکانی تۆ
          خۆزگە بۆ کۆتا جار تۆم ئەبینی و خۆمم لەتۆدا بزر ئەکرد 
          ...خۆزگە قەت نەئەدۆزرامەوە من.
          

لەمەودوا هەست بەچی بکەم؟ 
          من هەموو هەست و نیستم بەتۆ داوە
          ئەوەی لام ماوە فەراغی ئەو شوێنەیە کە جێت هێشتووە
          ئەو شوێنەی بەماڵی خۆتت ئەزانی 
          خەریکە وێران ئەبێ و تۆ هەر پێیت نەزانی!
          ئەوەی هەستی پێ ئەکەم بۆشاییە..
          بۆشایی تۆ...
          خۆشەویستی تۆ...
          سەیرکردنی چاوەکانی تۆ...
          هەست کردن بەگەرمی بزەی تۆ...
          هەمووی لێم زەوت کراوە
          لەلایەن ئەو کەسەی دڵمی لابەندکراوە.

لەڕێی سەر کانی 
          بۆ لوتم ڕایکرد بۆنی گوڵاوی 
          سەرم هەڵێنا دیم چاوی کلاوی 
          تیرێ دای لەدڵم ئەما هەر چاوم لەچاوی 
          بەقوربانی خوا بم، چۆن چۆنی تۆ دروستکراوی؟

ئەو ساتەی تۆم تیا بینی
          خۆمم وون کرد 
          لەچاوانی جوانت بەجۆری بزر بوبوم
          ئەم وت بەهەشتی بۆم هێناوەتە سەر زەوی
          دڵمی بۆ خۆی دزی 
          بەڵام لەدەستێکی ئەمینایە
          چوزانم هەر ئەو دەستە ئەمینە 
          پڕ لەکینە 
          دڵمت پارچە کرد لەبیرمە 
          ئەما تۆ هەر شوێنت ئەمینە 
          چەنێ دوور بی دایمە دڵم تۆی لەبیرە 
          کە ئازاریش ئەکێشێ 
          هێشتا لەلای شیرینە
          چوون لەجیاتی کین گوڵی ئەوین تێیدا شینە
          دڵی من بۆ تۆ وەکوو یەکەم جار پڕ لەئەوینە
          بێ خەبەر لەهی تۆ، بڵێی هێشتا پڕ لەکینە؟ 
          

ئەی بەهاری من 
          لەزستانا ماوم من 
          چۆن بگەم بەبەهاری خۆم؟
          لەمن دوورە زستانیش کۆتا نایە، گەر تۆ خۆت نەیەی 
          ئیتر چۆن کۆتا دێ؟ 
          مەگەر دڵت بەردە؟، لەساردی ئەمبەستێنی
          تەنها مەیلت نەماوە! یان منت هەر لەبیر نەماوە؟
          خۆزگە دەخوازم مەیلت نەمابێ
          نەک منت لەبیر نەمابێ
          هەرچیێ بێ 
          هێشتا لەبیر و هۆشت 
          شوێنێکم مابێ
          تەنانەت گەر مەیلیشت نەمابێ

ئەو گوڵەی پارچەت کرد لەبیرتی دەرکە لەخاکەکەم بیڕوێنە
          خاکەکەم بەئەوین دەیژیێنێ 
          وەکوو تۆ دڵ ڕەق نییە شەوان دەیخەوێنێ 
          بەیان بەتیشکی خۆر ڕووی جوانی دەگەڕێتەوە 
          بەڵام ئەو کاتە چیتر باوەشی بۆ تۆ نابێتەوە 
          

@storm_ivanov باشم سوپاس بۆ خوا 
          پاڕتی نوێم نەخوێندۆتەوە :/