@lIlIlI-
السلامُ عليكُم،
عارفين شعور الندم؟ التحسُّر؟
أنا غرقانة فيهم دلوقتي .
أول ما بلاقيني بنبُش في اكونتس قديمة ، وانزّل ابلكيشنز منزلتهاش من فترة بعرف إن الدنيا مش أحسن حاجة.
من سطح البِيت عصر يوم ١٩ رمضان ،
كُنت اتمنّى الدُنيا تكون أخَف من كده.
بالله عليكِ لمرّة واحدة عاوزة اكتب هنا إنجاز عملناه أو حاجة وعدتيني بيها وعملتيها، لمرّة واحدة يمنار!
السلامُ عليكم ،
لسه راجعة من العزومة ، وياترى راجعة مبسوطة ومغيرة جو ؟
راجعة تعبانة شايلة هَم الدُنيا والآخرة .
يحضُرني قول إبراهيم فايق وهو بيقول ،
النّاس كلها سبقتنا يجماعة!
اقسم بالله النّاس كلها سبقتنا،
مفيش حد مسبقناش!
إحما في آخر الطابور خالص! في آخره!
تَفُتُّ فؤادَك الأيامُ فَتَّا
و تنحِت جسمَك الساعاتُ نَحتا
وتدعوك المَنون دعاءَ صِدقٍ
ألا يا صاحِ أنت أريد أنتَ
ليلة الجُمعة ، ليلة ١٧ رمضان.
بسمع قصيدتي الأحَب إلى قلبي 'الليالي الأربع' وكالعادة
نفس الشعور ، الحاجة الشديدة لشخص ، الحنين المُبالغ فيه
لحد أنا معرفوش ، الرغبة في البُكاء في حُضن الراجل بتاعي .
صباح ١٥ رمضان ،
في أول تراويح وأنا راحة بخمار جديد وقلب بحاول اصلّح الخراب اللي فيه وهمّة عالية ، مكنش عندي أي فكرة إن في نص رمضان هتكون دي حالتي!
حاسة اني احتمال كبير اتخاذل واروح المسجد اللي جنبنا وخلاص ، عشان التاني مشوار شوية وكمان لواحدي):
حاجات كتير عاوزة أحكِيها ، كُلّها بعنوان ،
إزاي إنسان يختفي من الوجود حالًا!
الدُنيا مزنّقة عندنا في البيت جامد ماديًا ، ولأوّل مرة بفكر في موضوع الشُغل بشكل جاد ..
يأسرني في الجنّة إن مفيهاش حُزن ، شعور لطالما عيشت بيه حياتي كُلّها .
حزينة ياربّ!
حزينة وزهِقت من الحُزن والشكوى والكلام ، زهقت من كل مرة بعيد نفس الكلام وكل مرة بتأكد أكتر إني لوحدي مفيش حد بينصِفني ولا بيهتم بزعلي ولا حتى فيه حد اشكيله!
زهقت من فكرة إني مليش حد ..