ليث الخفاجي

غايب خير ان شاءلله 

أنا الما عنده حظ بهاي دنياي
          أنا بس المصايب توگف وياي
          أنا الما يدري الدنيا منه شتريد
          أنا الما عنده واهس حتى للعيد
          أنا المحد ينشده شبيي ما بيي
          أنا الـ ما عاف ولفه ولا اماشي
          أنا الخير الـ ما ينذكر بالخير
          حنين وما مخلي خاطر حتى بالطير
          أنا الخلصت حياته احااا بـ احاااا
          أنا الـ ما عنده وادم توگف وياه
          أنا اليضحك هواي وهو مخنوگ
          أنا الصاير حچاية بهاي الحلوگ
          
          صباح الخير والعافيه على الجميع ...
          الخفاجي ليث 

صباح الخير والعافيه على الجميع
          
          لاگيني مطر ملهوف وافتحلك حظن گيعان
          حط چفك على جروحي واطگ بستان
          
          يبعيد اليحن مايقتنع بحروف .. 
          الرسايل باهتة بدونك
          ولا تروي القصايد شوگ
          
          تعال اقراني بعيونك 
          تعال المرحلة الواصلها عابر قيس .. 
          الخلل بالناس ماسمّوني مجنونك
          
          الك بيه نعاوي الفاگدات وحيد
          خوات ومالهن غيره
          الك بيه لطم جيلين ومصايح
          والك بيه الحزن طافح
          بچيتك حد طلوع الفجر من اتعب واخذني النوم
          واحن اعليك باحلامي وافز ملچوم 
          شنهو البيك ماجاسك 
          شنهو مصبرك عني
          نعاوي الواحد وتسعين ماگامن يبچنّي 
          
          نشف كل ماي بعيوني
          بهت من فرگتك لوني 
          عابر بالحزن والآه حزن الناس بغيابك
          حزن ما كفّته عيوني

لاگيني مطر ملهوف وافتحلك حظن گيعان
          حط چفك على جروحي واطگ بستان
          
          يبعيد اليحن مايقتنع بحروف .. 
          الرسايل باهتة بدونك
          ولا تروي القصايد شوگ
          
          تعال اقراني بعيونك 
          تعال المرحلة الواصلها عابر قيس .. 
          الخلل بالناس ماسمّوني مجنونك
          
          الك بيه نعاوي الفاگدات وحيد
          خوات ومالهن غيره
          الك بيه لطم جيلين ومصايح
          والك بيه الحزن طافح
          بچيتك حد طلوع الفجر من اتعب واخذني النوم
          واحن اعليك باحلامي وافز ملچوم 
          شنهو البيك ماجاسك 
          شنهو مصبرك عني
          نعاوي الواحد وتسعين ماگامن يبچنّي 
          
          نشف كل ماي بعيوني
          بهت من فرگتك لوني 
          عابر بالحزن والآه حزن الناس بغيابك
          حزن ما كفّته عيوني
          
          الخفاجي ليث مساء الخير والعافيه على الجميع 

مسا النور 

غبت جم يوم عني وضاع... شملي
          
           لزمت  القلم  بس  محتار ...شملي
          
           يطارش لو رحت  لهواي.... شم لي
          
           أثر  جفه  لو  لزم  مرسال  ليه 
          
          دمعه بجفن مشتاگ جيتك يدكتور
          مامش علاج  يفيد  للگلبه  مكسور
          
          الخفاجي ليث

ما أغلط بعد والعبها صح وياك 
          واظل أستاذ واملك حرفة الصنعة 
          ولا عدلك لأن عودك اعوج اهواي 
          والأعوج أصلا ما ينعدل فرعه.. 
          
          ٰألخفاجي

@user69384432  اهلا وسهلا بيج هلا والله 

@ layth2021  نورك العاكس ربي يحفظك/ الله يعافيك يارب 

@user69384432 اكيد راح اكون سعيد نورتي ياغاليه مساء الخير والعافيه عليج