وَطــن.

قصايد باسم من صدك ترجع اشواگي وحنيني لهذاك الشخص رغم راح وماعرف اخباره 

رائف؟ 

عشرتي وياك صارت كلها حسرات.. 
          مثل حسرة الشاعر بالقصيدة.! 
          الشاعر يكتب البيت الـ يأذي.!؟ 
          والجمهور يصفگ ويگله عيدة..

خلص وكت المعاتب موش مال اعتاب
          لملمنه الحجي وكلمن مشه بدربه
          حرب هاي الحياه وصرنه بيها نخوض
          كلمن لبس درعه وملتهي بحربه
          شمرنه الذكريات بنص ضلام الليل
          الحنضل من تجربه شعندك مجربه
          حبيتك صدك بس ما رهمت عليك
          كراب السيف ما يرهم على الحربه
          عرفتك من الاول من جنت تغتاض
          تتعنه اليضدني وتكعد بكربه
          اجيب الماي الك وتكلي اي عطشان
          واحطه كبال عينك وابد متشربه
          بنيت احلامي كلها وياك ليش تخون
          تشب بيه المواجع نار وبكصبه
          تمر بيه بحلم وشلون جيت الضيف
          عشت وياك جن مسجون وبغربه
          طعناتك بضهري وكلت عادي تهون
          رغم جانت من ايدك توجع الضربه
          ولك حته بمشيتك ما رحت مغتاض
          اليكمل صلاته يبوسها التربه
          ابشرك من رحت ردت ايام الطيش
          يهودي وكام صلى وراجع الربه
          وبعد ما اريدك تمرني بمنام الليل
          انه بطيفي الورود وشخصك يخربه
          جنت من تصد ليه هناك عني بعيد
          شينفع ملمسك لا نفـ ع لا طبه
          وجنت ارفعلك ايدي من ارد اسلم عليك
          رفعه اید زاير جازي ع الگبه

خَليك يمّي وَطن ما اعيشْ مِن دونَك
          محّد يِهز وَحشِتي بَس انتَ وعُيونَك
          شَايِفني مِن انكِسر ويَاخِذني مَوت التّعَب
          وارجَعلك مْن الصفِر لَو تِسأل شلونَك
          صِرت انه كُلش سّهِل وأبچِي لوَن مَا تِجي
          النّاس مَا تِستحي كُلهمْ يِشبهونَك...!!؟

جبار رشيد سنة ١٩٩٤ كتب:
          ادري بيك تحبّني ما 
          داعي الكلام 
          وادري بدموعك صدك تبچيلي 
          رجع سنة ١٩٩٦كتب:
          انتَ الماتحبني شلون بالله وياك 
          امرن بيك مامر باليحبوني
          عفت الي شروني ومن ارد شلون 
          هم أسوه بعد وانوب يشروني.

انا الخَاسر وطن عادي
          اخَسر انسان واعيش
          لوحدي روحي وعلمتها 
          انا نغشيت بيك عيونكَ
          كبار بس عيوبكَ اكبر
          ماشَفتها !  

أحَلفك بل مَحبه ،وعشرتي ويأك!
          تَحّل أيامنه وترجع لينه ،حبيبي ودأعتك من يوم فركأك
          من گد ألبچي بعدك نعمينا ،
          خطيه ألروح؟بس أتريد ملكأگ….
          تتاني ليمتى تجينا.
          منو الگلك گدرنه بيوم ننساك ،
          يأهو الگدر ينسىٰ بيوم,َدينه،

وحق ابا الاحرار تعبان وحالتي يرثى لها هلكد مامشتاق وهالكني التفكير

افتهمني
          صَير مو مِثل البقيه
          وافتهمني
          ردتك أنت ومَا ردت 
          غيرك يحَبني 
          ضمَني گطرة مَاي
          بيدَك لا تذبني
          شيل هَمي 
          وصَير ضحكه بيومَ حَزني 
          صَير عَاقل 
          خافَ مَو عَاقل تحَسسني
          مُحَطَم .