lhvogxx

باوعي حُبي البطله كُلش حساسه صح شخصيتها قويه بعض الشيء لكن شخصيتها الحساسه والدلوعه طاغيه اكثر وصراحه الروايه مَبيها احداث قويه مثل الروايات المشهوره لكن حلوه ومسليه ولطيفه ورومانسيه لكن مو هوايه كُلش 💋

@ -_Barona_-  واووو احب هيج أجواء بس الشي الغريب انو الهسة ما معروف البطل الرئيسي، خل اكمل رواية القصاص حتة اقرة هاي لأن تحمست 

@lhvogxx 
          حبيبتي، قصتها تحچي عن البطلة "حنين"، عايشة بـ بريطانيا  .. بنت غنية كلش وثرية وعائلتها من الطبقة المترفة البرجوازية عندها عمام وخوال وولد عم وولد خوالي يسدون عين الشمس كلش هواي  ..
           غنيين فوگ ما تتصورين وعدها 10 او 11 اخو ما شاء الله للان ما حافظتهم رغم الرواية 63 بارت ومستمرة بعدها  .. 
          المهم وبعد عندها اخوات 4 
          بيوم حنين تريد تزور العراق وطبعاً ابوها نبراس يوافق لان عنده كل شيء ولا حنين يموت عليها ومهووس ببنته هوس مخيف وورا هالهوس والحب اكو سر طبعاً او اسرار ما اريد احرگ عليچ  .. 
          اي فـ يوافق وتزور العراق وهناك تتصادف ويا واحد خليني اوصفه الچ بهالكلمات  "مجرم، سفاح، حلو كلش، ما بگلبه رحمه"
          وطبعاً حنونتنه انعجبت بيه  .. 
          صار موقف بيناتهم او حدث مهم وهو اساس الرواية ومن بعدها تنطلق الاحداث واختصرلچ هالحدث بـ "ثار"  ، هي حبته حيل وهي اصلاً ما تعرف شنو اسمه او حتى تعريف بسيط عنه بس حبته حييل هوواي  وهي طبعها نادر ومو كل شيء يعجبها ومتكبرة هواي ومتواضعة قليل  .. 
          المهم المهم المهم، القصة انطيتچ نبذة بسيطة عنها ويمكن ما تشوق حيل النبذة اللي انطيتها بس خل احچيلچ عن اجواء الرواية 
          : السرد روعة ولا غلطة وما مطروق أبداً يعني هسه روحي ابحثي عنها وادخلي اول بارت وراح تنتبهين للسرد شلون مرتب ودقيق ويعيشچ بالجو وكلمات السرد والوصف حلوة كلش ومختلفة عن اي قصة  .. 
          الرواية تتمحور حول 
          "الظلم، الثأر، الوحدة، الغدر، الحب، الهوس، التعلق، الموت، الفراق، الحق، الظالم والمظلوم،الثراء،الفقر،الحزن" 
          بارتاتها طويلة ومرضية  ..