𝑳𝒊𝒂𝒓𝒂✨

@o_euqi تمام حَبيبتي  قراءة مُمتعة وإن شاء اللّٰه تعجبچ ✨

@o_euqi تسلمين حبيبتي وَاللّٰه خجلتيني  هذا كله من ذوقچ، ولو حبيبتي تستاهلين 
          تحبين هم أشرحلچ عن الشخصيات الثانوية؟ ✨ لأن أنصحچ بالرواية كلش حلوة وتحمّس 

@o_euqi بطلة الرواية اسمها أفروز، بنيه قوية وذكية والكُل يحبها، وأكثر شخص قريبة عليه هو جدها جساس. من وهيَ صغيرة الكل چان يغار منها، لأنها مختلفة وقوية، وهاي القوة أخذتها من أخوها عون اللي چان دائمًا سندها.
          عائلة أفروز تتكوّن من أم وأب وأخوان ثنين (عون وهارون)، وهي البنية الوحيدة بينهم. عايشين كلهم ببيت جدهم الچبير، لأن الجد رافض فكرة إن أي واحد من أولاده يطلع يعيش بعيد عنه، فكل العائلة متجمعة ببيت واحد ويا العمام والأحفاد.
          بيوم من الأيام، عمتها (وهي العمة الوحيدة إلها) تعزمهم على بيتها، وهناك يصير الشي اللي يغيّر كل حياتها… أفروز تشوف عمتها تخون زوجها، وتصير شاهدة على هالحادثة. وبما إنها متعلمة من أخوها عون إن “الساكت عن الحق شيطان أخرس”، تقرر تحچي الحقيقة وما تسكت. من هنا يبدأ الحقد والكره من عمتها تجاهها وتقرر تنتقم منها وتسوّد عيشتها.
          اللي چان واگف بوجه العمة ويحمي أفروز هو عون، بس يشاء القدر ، ويتوفى… وهنا ينفتح المجال للعمة حتى تبدي انتقامها الحقيقي، ومن هاللحظة تبدي معاناة أفروز.
          وبعدها تكتشف الصدمة الأكبر بحياتها: الأم اللي ربتها مو أمها الحقيقية، وإنما زوجة أبوها. وتعرف إن أمها الحقيقية عدها ولد وبنية، يعني أفروز تكتشف فجأة إنهُ عدها أم ثانية وأخوان اثنين. و وَيّه كل هالصدمات، تبقى أفروز قوية وتواجه كل شي بذكاء وقوة.
          أما البطل، فهو إنسان واعي ومتدين، عمره ما مد إيده عليها ولا هانها. بالبداية  غامض، بس وَيّه الأحداث تتوضح شخصيته أكثر.
          هذا مجرد نبذة عن البطلة وما كثرت بالحرگ 
          إذا تريدين أكثر، أحچيلچ حتى عن الشخصيات الثانوية..؟!✨

@o_euq7 ما تقصرين حَبيبتي  كُلش شُـكـراً إلچ 

@o_euq7 اي صح هوايه يگولون الروايات القديمه اقراوهم وانتوا مطمئنين 
          وبصراحه من زمان رايده اقرأ هاي الروايات القديمه بس ما چان اكو وقت ودوام

@o_euq7 لا حالياً عطله صيفيه وانا ما عندي اي شيء فأكيد راح اگضي وقتي بالروايات 
          اعتقد وضاقت الارض بي 100 بارت بس يگولون إنهُ بارتاتها قصيره 

@o_euq7 اعتقد الجزء الثاني نازل لانهُ انا اليوم دخلت عليها وشفت الجزء الثاني نازل بس ما اعرف انهُ اكو بعد جزء وبصراحه اشوفه هوايه مدح عليها ويگولون هيَ روايه حلوه

@o_euq7 اوﻻ وحده ما اعرفها بس الثانيه اعرفها بس ما اعرف نبذه عنها ولا باحثه وشايفه التصاميم اللي عليها

@o_euq7واللّٰه ما اعرف بس انا واثقه بذوقچ وراح اعتمد عليچ  ✨

ذواقة بختيار القصص انتِ نفس ذوقي 
          اذا تريدين رواية حماس وقفلاتة تجلط والبطلة قوية اقري قوارع وادي الالغاز 
          جنن والله