ll7meh

ثباحو
            
            كاعده من سته
            انطيت ادويه امي وسويتلها ريوك تريكت أخذت ادويتها وهسه هي تكمل نومتها. ما عدها دوا لحد بثنتين بليل لأن اكو ادويه ما موجوده مثل مكتلج بين ما أبويه يبيع محبسه ذهب ندبر نفسنا بأدوية الصبح بس 

ماما هسه زينه بس  هم بعد يرادلها تحسن أكثر
            بعد عدها يوريا ما مستقره
            وكرياتين بعده ما صاير بنسبه المضبوطه بس احسن من قبل هواي
            بعد عدها كدمات بجسمها من ورا الادويه ونزول الوزن بشكل سريع
            بس  هي هم احسن من قبل لأن رجع لون وجهه صارت بي صحه أكثر لون بياضها وضح جان شاحب
            عيونها صارت احلى
            ضحكتها هم
            بس رقيه بعدني خايفه والله خايفه ما أكدر اوخر شعور الخوف هذا شكد ما احاول
            خايفه حيل هوايه ابجي  بسكته واكتبلج
            خايفه  من كلشي
             خايفه على امي
            على حياتي من حياتي
            على اهلي
            على صحتهم ونفسيتهم
            خايفه من الحاضر والمستقبل
            خايفه من الباجر
            جنت  من اني صغيره اريد باجر يجي علمود عمري يصير رقمين
            هسه ماريد 

بالواقع ما أكدر اعبر بالكلام أو احجي هذا بالوجه
            بس بالكتابه اطلع كلشي بداخلي
            بالواقع اسكت بس ابجي أو احجي جمل بسيطه وراها اسكت ما احجي شي لان كلامي بالواقع ما أكدر اعبره  أو احجي اساسا
            يبقى بداخلي احجي النفسي
            أو الج ودائما احجي الج واكتب كلشي يصير بحياتي أقل تفصيله واكبر تفصيله
            لان احسج دفتري وصديقة عمري واختي دم بدم مع انو ما بينا صلة دم
            لهيج افرغ يمج كلشي فرحانه أو ضايجه