دُجىٰ

رسَايل مِنك لحد هَسه أَداريهن
          مِثل نوُم أَلطِفل بالليَل أَهز بيهن
          وأَگلبهن وأَشوُف أَيامَك أَلحِلوات
          مو حِلوات بس مَجبورة أَسميهن .

ليلية أَلوجع يلتف على ضلوعي
          وأَفُك باب أَلصور وتطيح منها طيور 
          ليلية أَلوطن يتسودن براسي
          شمع وگبور ، ليلية بخلگ نجمة
          بوجه شباچ أَتانيكم 
          وأَرد وجه أَلصُبح مكسور .

راجِع بطرگ أَلحِزن
          خسران مَدري أَنبعت
          بس أَلجَرِح تذكار 
          راجِع وَطن مِن حرُب 
          حِزني إِعلى گد أَلجِثث 
          مَيت و أَدور ثار .

أَلليلة ضايع أَلليلة ظلمة
          ولا گُمر بجروحي لامع
          أَلليلة أَسَيرلك وَرگ 
          فوگ أَلمدامع أَلليلة أَموت
          وتايبين وحاسبينك
          طُفن بروحي أَلجوامع 
          أَلليلة أَرد طين لمچاني 
          وعلى أَلصور تِلگاني ناگع 
          أَلليلة ما مرتاح يصرخ بيَ گاطع .

وحدك انتَ والسجائر 
          كنتما القادرين على مداواة ماعجز عنه الطب 
          على تهدئة ذاك الهوى المدعو بالاكتئاب 
          تعال ألي، 
          فقد نفذت السجائر ،
          ويبقى الالم ينتظر دوره ،
          اشتاق لوجودك لا لأجل الحب ،
          بل لأني احتاج احداً لا يسأل ، لا يبوح ،فقط يتحمل ،
          وانا لا اطلب الكثير ،
          مجرد حضن لا يتركني 
          حين انكسر بصمت 
          لكنك اخترت الرحيل 
          وتركتني اطفئ اخر سجاره 
          واشعل وحدتي الى الابد

ساعَتها تعرُف صدگ من أيدك شَضيعت
          بس وين تندلة المثلي لا ينسي ولا تگدر تبدلة .

بالغلط اليوم ذكرت اسمك وسط ناسي

أوعدني إنك في بُعدي عنك هَتفتكرني
          لو عِشت تاني مع حُب تاني خليك فاكرني
          خَليك حَبيبي من غير مانجرح بعضنا
          خَليك حَبيبي حتى وانتَ مُش هِنا
          بلاش نضيع ذكرى حِلوه في قلبِنا

گلبك محَمل وفه شجابه وراي
          انه گلبي يعيش كل ساعة بقرار
          يجوز اگلك عاشگك 
          بالليلة هاي
          وما اريد الگاك من يلفي النهار
          يجوز اگلك عوفني 
          وسافر بعيد
          وتلتفت وتشوفني اركض عالقطار
          مرة اعوفك تضحك 
          ويمك غريب
          ومرة إذا شفت النده يطخك اغار
          يجوز لو مريت 
          اكلك ليش اجيت
          وغير مرة تشوفني بالملگه حار
          وانت گلبك محد يشبهه حنين
          لا تورطه بگلبي ما عنده قرار

اجيت تگضي وكتك ما اجيت تحب
          واصدگنك واعرفك بالحچي تچذب 
          لو وياي كُلك لو بعض ماريد 
          انا برزق وادم غربة مَا چلب 
          تجازيني بهجر وحجاية الموخوش
          تعال وعلى الجروح حساب خل نحسب
           ألاگيك بربيع وكُل بلابل شوگ
          وتلاگيني بخريفك والهوى المُغضب
          واجيك بـ يا هلا وبعتاب من تغيب
          وأني سنين اغيب وكلمة ماتعتب
          گلبك موش أليّ مبين اليهواك 
          غشيم متاني عاقر من ثديها أحلِب
          عليمَن ذال روحي وما انام الليل؟
          روح مودع الله وكون لا رديت
          عسَاك بنار گلبي وخنگة المُغرب .