..

رسَالة بجف مترجَم " من عَدو " 
          ( متضَمنه أسمَاء الموتى ) 
          واحد من الموتى أخو ! 
          المشَكلة مو بس صدمِته 
          المشَكلة لازم يترجمها لأخوته ! 
          هاي من كتلي أنتهينا 
          صوتي يشبه جان صَوته !

كل الطمع لو صفة بالمذمة 
          الا الطمع ياهو اكثر يخدمة
          هذا الحجي رايد اليفهمة
          فالناس لهم همهم وانا 
          همي وغمي بالحسين
          ان كنت احببت الحسين
          فهل يحبني الحسين؟
          ديني ودنياي الحسين.

روحي مَا تسعفني كلش
          والخلك صاير نحس !
          ولا تفززني إعله باجر
          باجر اتعس من أمس .

كل الغموض انجلى
          حين الي كالت الة
          عگبك صرت كافلة 
          عباس يانعم الكفيل.

تعاي وخل احضنَج حيل ياحيل
          وخل جمرَة حَنيّنچ هسه تچويني
          وأريد اصفن عليچ واگطع الانفاس
          وأسمع صوت گلبچ مِن يناديني 
          واظل گاعد گبالچ واكتم الصوت 
          وافهم لغة عيونچ مِن تحاچيني
          وابوسج مِن جبينچ وأدعي مِن الله
          طولة العُمر وياچ ينطيني .

ليش تَرسملي مَـحطات وقطار
          وسـكة مابيها نهاية
          وليش ما كتلي من الأول 
          أنتَ مو ضلي الحقيقي 
          لاتضل تركض وراية

اثنين چانو الك 
          وماكو بحياتك 
          فقط أَنة ونظر عينك
          وعينك درتها ورحت
          ولا چني منك چنت
          وبكل سهولة خسرت واحد من ثنينك
          من رحت طاح الگلب 
          صحيتة گوة وكعد
          بأول حچاية نحچت
          عنك سئل وينك .

هل فتره عايش بس جسد  
          والتعب ماخذ حصته
          والراحه ما عايشها ابد  
          والخير ابد ما شفته
          لا ميت اني ولا عشت
           ولا راضي بالما گلته 
          صح ساكت مبين قوي 
          تاكل بروحي السكته 
          الليل مو راحه اللي 
          والنوم ابد ما ضگته 
          سهران هيج بلا سبب 
          وحدي اني اضل للسته
          مشكلتي ما عندي اني حظ 
          لو عندي حظ هذا الوجع ما عشته
          تعبان واصل مرحله
          تخليت من الردته 
          مشكلتي وي روحي حرب 
          جيب اليحل مشكلته
          ورثت روحي وما طبت 
          والتتن خلص وكته 
          ورديت ادور ع الكطف 
          حته الكطف ورثته 
          حزني اني ربيته بدي 
          كبرته انه ودللته 
          ومنو يومها عشنه سوه 
          لا عافني ولا عفته .
          لـ مؤمل قيس

مو گد الفراگ شمالني وحبيت 
          مو گد السهر والليل والباكيت 
          كالو شاگها الصوره وانا انغثيت 
          انا بمحفظتي بس العوز 
          بس شكد صور خليت.

ألِم بروحِي ، أحاول ما أضل مَكسور 
          و أعرُف صَعبة لَم الجام المكَسر
          أمشي وألتفِت ، مَطلوب دَم ودين 
          انا أتمنىٰ أستقر ، بَس كون غير اگدر؟؟