lllMlllll
- !
lllMlllll
تكعد و تصفن بروحك حاير بنفسك وبامرك
تكتشف كلشي مؤقت حتى عمرك
تنهضم وتلوم نفسك وتنعزل وحدك بغرفه
تكض المرايه بادينك تلكه واحد ما تعرفه
تبدي ترجف
وتبدي بس تريد موتك
تباوع لكلشي تغيير حتى صوتك
تلكه نفسك وين واصل
حيل شايب
تسأل بكلبك تلكه لوين ماخذني يخايب
وتعبر اجيال بصفنتك
تعبر انته واهلها وانت ما عابر غرفتك
وكلشي يبدي يموت سكته
كلشي يبدي يروح منك حتى انتَ
تسدسد ببيبان بيتك
تبقى وحدك
تشوف كلشي مو مرتب حتى شكلك
تأيس ومتاني واحد
وتاخذك صفنه طويله وتلگه روحك غاد كاعد
تبقى وحدك
وبالحلم يصلوك ناسك
الزم الرشاشه حبهه وروح فرغهه اعلى راسك
وتنشمر من المدينه
تعيش اتعس قصه مرت تنتهي بموته حزينه