🧚‍♀️

مرات اقول دفئ الشخص يكون بسبب البيئه اللي حوله ومرات اقول يكون بسبب الذات المكنونة 
          لكن بكل الحالتين شعور اتمنى يستمر للأبد

الايام هاذي مره مشغوله لكن فيها دفئ وحنية بشكل يخليني اطلب اعيشها طول عمري

افكار اخر الليل وقت الروقان والهدوء اكثر شي اتحمس له ب يومي واكثر شي استمتع فيه

الساعه وحده الا ثلث  ب آخر الليل اصبحنا ب ثالث يوم من الشهر اللي اخره البيرثدي حقي قاعده قدام التلفزيون اللي مشغلته من ساعتين عشان ابغى اصوات حولي وافكر ب اشياء تخصني اجلتها ل ايااااام 

لو كنتي كاتبه لكنت أول قرائك ✨

يوم مليئ بالمشاعر وأحس حان وقت التنهد والنوم الهانئ الطويل لأن بكرا بداية النهاية ل موضوع اجلته ل فترة طويلة

افكاري وقت الدورة دايم تصدمني مليئة بالحب والاحتياج مع اني ما عمري حسيت اني فاقده حب او اهتمام
          يمكن رغبة انانية مني في اني اعيش اضعاف المشاعر اللي امر واحس فيها يوميا مع انها مضاعفه بالفعل

دايم اشوف اني شخص مليئ بالالوان والبهرجه
          بس جزء مني حس هاليومين ان الواني بهتت وقلت لاني قاعده الون حياة غيري ناسية او متناسية ان نسبة الالوان معينه
          لكن انا شخص اضاعف مشاعرك تجاهي 10 مرات!
          تكرهني بكرهك مره وحده بس لو تحبني بحبك 10 مرات 
          مستحيل استخسر حب وحنية ل شخص حبيب حنين معاي
          بس الحين ادركت ان عندي الوان كثييييره جديده وغير مستخدمه وطلعت انتظر الوقت اللي اجدد الواني فيها بس مستحيل انتظر اني اوقف تلوين الناس العسل اللي حولي

وصلت ل مرحلة بحياتي ما أدري انا جدية بشكل مبالغ فيه حرصا على نفسي وذاتي او أن هم تعودو اني اسوي اشياء اكبر من عمري والجدية صارت فرض و واجب علي؟
          او يمكن الاثنين
          لكن هالتعب والارهاق والمسؤولية نفس الجرح اللي ينزف مايموتك الحين بس يموتك بالايام الجاية اذا ما التأم
          بس كيف تلتأم جروحي ومافي حد فاصل يفصلني عن كل ذا العالم ويخليني ارتاح واقعد مع نفسي وفقط!
          اف التفكير مرررررررررهق لكن عدم التفكير مرهق اكثر بالنسبة لي

مساء الخير كيف حالك؟ معليش عادي اسألك سؤال واعتذر على الازعاج مقدمًا 
          في روايه ادور لاسمها ومو قادره انذكر الاسم ولا كاتب الروايه ويصادف اني مره اخذت سكرينشوت للتعليقات وكان حسابك موجود في التعليقات
           الروايه فيها شخصيات اسمهم عِنان وضَاري وتركي وضياء 
          عِنان كان بالبدايه يظن انه يحب زوج عمته المطوع و عِنان مُصاب ب الإنفصام وكان ضَاري له دور بالي يصير فيه
          عِنان كان في شخصيه خياليه ترافقه اسمه أينال
          و عِنان كان متعذب ورافض فكره العلاج في البدايه وكان دايم ما يقدر يحضر في الواقع كانه يتنقل بين احلام او أوهام كثيره  
          يعني لو ممكن اذا يصادف انك تذكري اسمها او تعرفي صاحب الروايه ممكن تعلميني؟ وعادي شكرًا بكل الحالات حتى لو رفضتي.