❣️ ﴿ 2026 ﴾ ❣️
ليثي، ثلثل، نونو، بابي، لاوث، ليوثاتي،زلمتي، طفلي، ليوثات
"أحـبـك" هاي الكلمة المتكوّنة من أربع حروف مستحيل تگدر تعبّر عن حبي إلك.
أهــــــــــــــــــــــــــــــــــــــــــــــــواك ' ♡
كل عيون العالم أشوفهن عيونك،
وكل وجوه العالم أشوفهن وجهك.
أدمنتك يا قطعة من روحي.
أحبك هسه، وأحبك باچر،
وأحبك هالسنة، وأحبك السنة الجاية،
وأحبك كل الأعوام.
ليث، إنت مو بس دخلت حياتي وحليتها،
إنت دخلت گلبي، دخلت عيوني، دخلت ضلوعي،
صرتلي الأوكسجين اللي أتنفّسه.
أحبك ليث.
وتعرف شگد أخاف عليك.
ليث، إنت مو تگول إنّه بيّسارج؟
لو توجّعت أو صارلك شي،
أنا أتوجّع ضعف وجعك.
ولو تتأذى، گلبي وعقلي ينأخذن،
وأصير جسد بلا روح.
ليثي، أنا ما أگدر أساعدك لأنّي مو يمّك،
وتعرف هالشي شگد يقهرني.
أتمنّى لو أكون يمّك،
أداريك، أطيّبك،
بدال ما أشوفك متوجّع وإيدي مربوطة مابيدي شي اسويهّ
ليثي، أتمنّى ما تأذي نفسك بعد،
وتخلّيني أگمزز من البچي.
دير بالك على روحك،
وكون زين وقوي،
لحد ما أصير إلك،
وأعوّضك عن كل شي قهرك.
أصيرلك سند،
وزوجة، وأم، وصديقة، وأب، وأخ…
كلشي أصيرلك يا ليثي،
وأبدّل الضغوطات اللي مرّيت بيها
بلحظات حلوة مثل عيونك اللي أعشقهن.
حبيت أگول:
أنا ما راح أعوفك لو شنو ما يصير،
مستحيل أعوفك.
إنت النفس مالتي،
وما أعيش بلياك،
وما أعيش بهالعام الجديد 2026 إلا وإنت وياي. ♡
سنة جديدة وإنت وياي،
وثاني شهر وإنت وياي.
ليثي، الله لا يحرمني منك ولا من شوفتك،
الله يديمك إليّ ويحرسك،
ويكون وياك ويوفّقك.
الله يسعدك،
ويبعد عنك كل شر ومرض وألم،
ويقرّب لك الفرح،
ويطمن قلبك بالراحة والسكينة.
الله يرزقك،
وما يضيّع تعبك،
ويريحك،
ويبعد عنك كل أذى وكل سوء.
ليثي،
أحبك، أتنفّسك، أهيمك، أهواك.
بجاه هالسنة الله يخليك دايماً وياي،
ولا يحرمني منك ومن عيونك الأدوخ بيهن مح.
يروحي وحياتي وعمري ودنيتي ونضر عيني ونَفسي وكُلي
أحبك ليثي اعشقك اهيمك اتنفسك احبك اكثر من روحي افديك انه افديك ، رحت انه يبعد مريم ❤
_____________________________
Happy birthday, Laith! I love you, Laith. ( ˘ ³˘)❤
l love you layth ♡.
