Бүгд адилхан. Бүгд гунигтай.Бүгд зуурдынх. Аврагдах боломжгүй. Үхэл бүгдэд ижилхэн. Амттай. Арай өөр. Тэгээд энэ бүгдээс, бидэнд юу үлдэнэ гэж?
Зүрх хичнээн их шархалсан, сэтгэл хэр их эмтэрсэн. Хормын дурлалтай хэдэн удаа учирсан, үнэн хайр хэдэд нь тохиосон. Алхах алхмын нь тоогоор хэлэх үгээ залгин, алсран одогсдын хойноос хэдэн өдөр гашуудсан...
Үнэнийг үзсэн. Худал шиг санагдсан. Үзэн ядсан. Хүлээн зөвшөөрсөн. Дуугаа хурааж, хэлгүй дүр эсгэсэн. Дүр эсгэх бүрт зүрх минь зүсэгдсэн. Эцэст нь бүгд ялгаагүй. Бүгд адилхан. Бүгд гунигтай. 
Биднээс юу үлдэнэ гэж? Өнгөт зүүд. Төсөөллөөс ургасан амьдрал. Хийсвэр үгс. Багтай үнэн... Юу чухал гэж? Бүгд адилхан. Бүгд гунигтай. Бүгд зуурдынх.