ليلى الله يقويها

Miss u

عندي رواية اسمها ملكة هي رواية فكرتها جديدة غير مشابهة لازمها دعم و قراء و اطلب منك بكل لطف قراءتها و التعليق بين الفقرات لابداء رأيك و شكرا 

ممكن تقرأي روايتي عن هاري لو بتحبي طبعا

تكملة--
          PS:بعد ما كتبت الدعاء حق دوبو فكرت اني لازم اقلكم ادعية كمان تجنن و تجيب السعادة والراحة وتحقق العجب العجاب من الأماني
          "ربي اني لما أنزلت إليّ من خير فقير" حتنصدموا كيف ربي حيكرمكم بخير عظيم
          "ياحيُّ يا قيوم، برحمتك استغيث، أصلح لي شأني كله، ولا تكلني إلى نفسي طرفة عين" الرسول وصى فيه اعز بناته على قلبه يعني اتوقع هذا الشي يقلكم بما فيه الكفاية عن الدعاء
          سيد الاستغفار>قوقلوه تعبت وانا اكتب المهم اقولوا اذا استوعبت اني ما استغفرت اليوم كامل
          الصلاة على النبي بركة و سورة البقرة بركة و تحقيق اماني عجيبة و سعادة و كل شي، و الوِرْد اليومي من القرآن ولو وجه واحد ياجماعة وجه واححددد اقل القليل والله مو لازم تختمي القرآن في ساعة عشان تقرأي القرآن؛ ترا هذي الأفكار هي اللي تخلينا نهجر قراءة القرآن => كمان يجعل يومك جميل جدا
          "اللهم يا مقلب القلوب ثبت قلبي على دينك" هنا لمن احس انو تسلل الشك لعقيدتي او قرأت فكرة قدحت في ايماني و زلزلت تفكيري، احس انو بعدها اللي يلهمني بالحجة القوية اللي تضحد كل الاقاويل اللي حسستني بالشك
          واخيرا احب ادعي كل يوم انو الله يجعل يومي اللي هو بكرا سعيد و جميل منجد احس كأني اكلم الله اقول كل شي نفسي فيه ما اعرف كيف ناس تيأس والله جنبنا قد كدا حرفيا ترا مو لازم دعاء فصيح و كلام الفين سطر، لو دعوة صادقة من قلبك توصل ترا حتى لو بالعامي مو لازم فصحى ترا لماو.
           المهم احس اني طولت بزيادة ليا ساعة قايلة باي الزبدة مالي خلق اعدل شي،طبعا متأكدة اني ناسية شي سواء في الادعية او في الكلام اللي قبل، بس خلاص بنجلع منجد و اتمنى لكم كل خير و مع السلامة، دعواتكم. 
          في أمان الله ❤
          -ليلى الحلوة السُكرة
          (والله تصدقوا دوبو جاني شعور اني ما ابغا اروح ههخ،خايفة اتذكر شي ماقلتو و اجي اكتب رسالة بعد دي الرسالة وتروح ام هيبة الوداع هذا بس خلاص منجد باي) 
          انتهت.

تكملة-- 
          اتعلمت هنا في الواتباد انو "مغيّر حياة" هو اسم اخر للكتاب، او حتى الاقتباس او المقولة، او الفكرة ووجهة النظر، كلها بالنسبة ليا مغيرات حياة غيرت حياتي في محطة من المحطات، و هذا مبدأ انسب الفضل في تعليمي إياه بعد الله إلى الواتباد والأشخاص اللي فيه، القراءة شيء عظيم. ما اعرف اذا باقي شي اضيفو بس ح أسوي حساب جديد و ابدأ من الصفر و كل ما يجيني فولور أبلّكو هخخخ وأعيش باقي حياتي في هذاك الحساب في سلام و نبات..
          شكرا اذا انت قرأت هذا المعروض و اتمنى لك ليلة هانئة (في حال كنت من الدجاج اللي يناموا بدري لول)، اما في حال كنت من المفكرين العظماء زيي ههخ اللي صاحين طول الليل، اتمنالك سهرة سعيدة و لا تنسى صلاة قيام الليل. 
          مح اقول إلى اللقاء.. انما الوداععععع يا اصدقاء الله يسعدكم و يحقق احلامكم و يسدد خطاكم و يختارلكم الخير و يهديكم إلى الصراط المستقيم و إلى مايرضيه من القول والفعل والاعتقاد وانا معكم يارب.
          (تابع...)
          

تكملة--
           أشكر كل اللي اظهروا اعجاب بشخصيتي؛ او تعليقاتي أو آرائي او تفاعلي او اي شخص ادخل سعادة في قلبي بطريقة مباشرة او غير مباشرة (في هذا السياق اقلكم ماتتخيلوا قد ايش اتحمس لمن اشوف احد بيضحك على كومنت كاتبتو اشوف اش هو الكومنت، و لمن افتحو وأضحك انا كمان منجد احس بالامتنان الشديد؛ مدري يعني يكون شي منجد يضحك كاتبتو انا و يذكرني بحقبة معينة او الوقت اللي كنت بقرأ فيه الرواية دي الزبدةة انو شي يسعدني جدا؛ شكرا لكل اللي ضحكو على كومنتاتي، انتو اسعدتوني وطبعا في كمان ناس اسعدوني بطرق مختلفة)، مع الأسف الشديد اني ما اعرف كيف ابين لكم امتناني اكثر من كلمة شكرا،مح اقول احبكم لانها حتكون عامة بشكل غير عادل، بس في اشخاص راقبتهم و أميّز حساباتهم اشكرهم واحبهم، في ناس احبهم جدا جدا بس خوفي يخليني اتجنب اي احتكاك فيهم من الاساس، لأني أحس انو شخصيتي في السوشيال ميديا ما تمثل شخصيتي الواقعية، و حتى ما اعرف كيف اوصل شخصيتي الواقعية هنا؛ فوصلت اخيرا اني اتجنب اظهر اي شخصية هو افضل حل، خوفا من اني اظهر شخصيتي بشكل خطأ و اتعرض للنقد او الكره من اشخاص انا معجبة فيهم على هذا الاساس، اتقبل النقد لشخصيتي الحقيقية؛ لانها انا و انا متقبلة ذاتي،بس هنا لاني احس انو النقد غير عادل اصلا بحكم انو موجه لي بشخصية لا تمثلني وانا أصلا مو متقبلتها،كان بودي انشر كتاب حتى لو عشوائي، بس الانتباه اللي تكلمت عنو مسبقا هو غذّى خوفي و منعني... 

(الكلام طويل حأقسمو مدري كم قسم)
          سلام الله و رحمته يا أحباب الله الموجودين، أما بعد..(يعنني جِدّية خهعخخهاييي) المهم
          مؤخرا، بدأت احس انو الانتباه اللي حظيت فيه هنا مو مناسبني ابدا، احس مو قادرة اخد راحتي في ولا شي و مو مرتاحة، كان عاجبني اكثر لمن كنت مو باينة في الساحة والفولويرز حقوني صفر، حبيت لمن كنت خفية اكثر، كان عندي حرية اكبر.. باختصار انا ما ابغا يكون عندي كيان في اي مكان في مواقع ااتواصل الاجتماعي، ابغا كلامي او تعليقي على اي محتوى سواء هتا او اي مكان اخر رأي عابر جدا و يحظى بالاهتمام لأنو رأي صائب مو لأنو صادر مني شخصيا.. اعرف انو انا مبالغة شوية و اني مو معروفة الى هذي الدرجة بس برغم هالشي حاسة بعدم راحة والأمان... لذلك؛ قررت اني اترك هذا الحساب نهائيا للأبد الزمان، ممكن افتحوا من فترة لأخرى بس اشوف الاشعارات بس مارح اظهر اي نشاط او تفاعل ف فعليا مافي تأثير، و في هذا السياق امنشن اني دايما موجودة هنا و اشوف الاشعارات وأقرا بس ما ابغا ارد، او اظهر تفاعل او أعلّق مو حابة ولا مالي نفس أو خلق ولا خايفة حرفيا مو عارفة، بس تعددت الاسباب والنتيجة وحدة... (تابع..)

حسابك مسلّي

حسابك مسلّي

رمضان طيب هدي شوي خلنا نتفاهم يارجال