lycheeboo
အခုတလော တွေ့မိနေတာလေးတွေရှိလို့ ဒီစာလေးရေးဖြစ်တာ။ LQBTQ+ community supporter တစ်ယောက်အနေနဲ့ တချို့တွေရဲ့ အမြင်တွေနဲ့ယူဆပုံတွေကိုတစ်ကယ်ကို အံ့ဩမိပါတယ်။ အထူးသဖြင့် အိပ်ရာပေါ်ကကိစ္စနဲ့ပြဿနာရှာတဲ့သူတွေကိုပေါ့။ သူတို့တွေရဲ့ကမ္ဘာမှာ အချစ်ဆိုတာ အဲ့တာလား။ တစ်ဦးအပေါ်တစ်ဦးထားတဲ့ မေတ္တာဆိုတာ သူတို့အတွက် ကုတင်ပေါ်က သာယာမှုတွေ၊ ကိုယ်ဝန်ဆောင်နိုင်ခြင်းတွေပဲလား။ ကိုယ့်အမြင်၊ ကိုယ့်ကမ္ဘာမှာတော့ မေတ္တာဟာမေတ္တာ အချစ်ဟာအချစ်လို့ပဲ သတ်မှတ်ထားတာပါ။ တစ်ဦးအပေါ်တစ်ဦး အသေးစိတ်ကအစ ဘယ်လိုတွေယုယကြင်နာတယ်ဆိုတဲ့ သံယောဇဉ်ကြိုးငယ်လေးတွေကနေဖြစ်တည်လာတဲ့ဆက်ဆံရေးတွေ။ အချစ်မှာ ယောက်ျားမို့လို့ မိန်းမမို့လို့ဆိုပြီး ခွဲခြားနေစရာလိုရဲ့လား။ ကန့်သတ်ချက်တွေ ချထားစရာလိုရဲ့လား။ ယောက်ျားလေးကို ချစ်တယ်၊ မိန်းကလေးကို ချစ်တယ်ဆိုရယ်လို့ မရှိစေချင်တာ အမှန်ပါပဲ။ အချစ်ဟာ အချစ်ပါပဲ။ Genders တွေဟာ အချစ်မှာ အရေးကြီးတဲ့အချက်မဟုတ်ဘူးလို့ ထင်မိတယ်။ ချစ်နေရုံနဲ့တင် အချစ်ဟာပြီးပြည့်စုံတဲ့အရာလေးပါပဲ။
Birthrates တွေကျကုန်ရင် ဘယ်သူတွေတာဝန်ယူမှာလဲဆိုတဲ့စကားကို မုန်းလောက်အောင်ကို မြင်ခဲ့ဖူးပါတယ်။ အော် ကလေးမွေးဖွားနှုန်းကို ဂရုစိုက်ကြတဲ့သူတွေပါတဲ့။ မြန်မာနိုင်ငံမှာတင် မိဘမဲ့ဂေဟာပေါင်း ဘယ်လောက်ရှိသလဲရော သူတို့တွေသိကြမလား။ မိဘဟု ခိုးနားစရာမရှိဘဲ ကြီးပြင်းလာရတဲ့ ထိုကလေးတွေကို သူတို့မြင်ကြရဲ့လား။ ခေတ်ဟာ 2026 ပါ၊ နည်းပညာတွေတိုးတက်နေတာကို Ai Technology နဲ့တင်ပဲ ကိုယ်တွေမျက်ဝါးထင်ထင်တွေ့နေရတယ်မဟုတ်လား။ လူတွေကိုတောင် အစားထိုးလာနိုင်ပါတယ်ဆိုတဲ့ နည်းပညာတွေတိုးတက်နေတဲ့ခေတ်ကြီးမှာ သားအိမ်ရှိမှ ကိုယ်ဝန်ဆောင်နိုင်မှာလို့ပဲ ငြင်းကြအုံးမှာလား။
လူတွေ တစ်ယောက်နဲ့တစ်ယောက် ဘယ်လောက်ကွာခြားလဲဆိုတာကို Internet ကတစ်ဆင့် အများကြီးသိလိုက်ရတယ်လို့တွေးမိတယ်။ ကိုယ်ကတော့ မကြိုက်ဘူး၊ မနှစ်သက်ဘူးဆို လျစ်လျူရှုတတ်တဲ့သူမို့ ဒီလိုအပြစ်မရှိအပြစ်ရှာ အချိန်ကုန် အားကုန်ခံပြီး အပုပ်ချတတ်ကြတဲ့လူတွေကို အတော်လေးအံ့ဩမိပါရဲ့။ သူတို့ရဲ့စိတ်ဓာတ်တွေက ဘယ်လောက်တောင် နိမ့်ပါးနေလို့ သူတစ်ပါးဘဝကို ကဲ့ရဲ့ရှုံ့ချနိုင်ရတာလဲ။
Lychee.
Love Operation လေးကို မနက်ဖြန် update လာတင်ပေးပါ့မယ်နော်။ အားလုံးကျန်းမာရေးလည်း ဂရုစိုက်ကြပါ။ နေပူထဲတွေထွက်ရင် ထီးလေးတွေ၊ ဦးထုပ်လေးတွေဆောင်းသွားပါ။ ရာသီဥတုက တအားပူတော့ ရှော့ဖြစ်တတ်တာမို့ သေချာဂရုစိုက်ကြပါနော်❤️