lzoavyen

كل عام وانتم بخير♥️
          	Happy new year

AsAa370

@ lzoavyen  وانت بخير وصحة وسعادة
• Contestar

JIN442

ونتم بالف خير
• Contestar

user72860190

@ lzoavyen  وانتي بخير حبيبتي
• Contestar

Nadooooooshaa

دلف أمير إلى الشقة، وجلس على الأريكة كأنه يدفن نفسه بين أحشاء الحزن، يعض على أصابعه بعنف، كل ضرس ينكسر تحت وطأة الندم، وكل نفس كأنه يخنقه أكثر…
          
          اقتربت ريم بخطوات هادئة، عينها غارقة بالحزن، وجلست بجانبه، ربتت على منكبه برقة تذيب الحجر، وقالت بصوت خافت، محاط بالحنان:متعملش كده في حالك… حب زينه وطيبه والله.
          
          هز أمير رأسه، صوته يخرج خافت ومختنق بدموع حبيسة: أنا السبب في كل ديه… ياريت كان لساني اتحش ولا نطجت كلمة خليها تكرهك…
          
          انزلقت دمعة ثقيلة على وجنته ،وغمغم بصوت متحشرج، كأنها وصمة على قلبه:مكتش اعرف إنها عشجته كده…
          
          مدت ريم يدها، مسحت دموعه برقة، وصوتها يحمل حزن وحكمة:كفايك يا أمير… انت مكنش جصدتك، وكت خايف عليهم… واحد غيرك مكنش وافج من الأول.
          
          رفع عينيه إليها، والحزن يقطر مع دموعه وغمغم بصوت متقطع : لـ لولا المرار ديه كـ كان الغالي… أحسن وأنضف رراچل أسلمه أختي وأنا مـ مطمن… أنا متأكد إنه هيشيلها چوه عينيه.
          
          أومات ريم برأسها، وقالت بصوت هادئ، لكنه مشحون بالعاطفة: أنا عارفه… بس انت بردك مرفتش عيب في فارس… انت معذور يا أمير.
          
          أشار أمير إلى صدره، صوته ينهش قلبه، مليء بالألم:
          جلبي وچعني جوي… كل ما فارس يولي مني ومش راضي يحدتني، ومش جابل مني كلمة أخوي… بحس خنجر مسموم مزروع في جلبي.
          
          انزلقت دموع ريم، وربتت على منكبه بصوت متهدج:
          روح ليه تاني… متهملهوش غير لما يسامحك.
          
          ثم نظرت إليه، الدموع تنساب، وهمست:أجولك سر؟
          
          نظر لها بدهشة وحزن:جولي!
          
          نكست رأسها وهمست بصوت خافت، كل كلمة مشحونة بصدق:ساعات لما نتكدر من حد بنحبه جوي… بنكون مستنيين منه يحاول كد إيه، وغلاوتنا عنده تساوي كام مرة وكام محاولة… معرفش أنا … معرفش الإحساس ديه… ماحدش حاول يصالحني أكتر من مرة… معرفش إذا أنا بسامح بسرعة… ولا عمري ماتكدرت للدرچة ديه.
          
          أغمض أمير عينيه، كلماتها اخترقت قلبه مثل سهم، وغمغم بصوت خافت: عندك حج… أنا هحاول تاني وتالت… لحد ما يسامحني.
          
          أومات برأسها وابتسمت بخفوت، وكأن قلبها يخفف الحمل عنه:هو كده هيعرف معزته في جلبك.
          https://www.wattpad.com/story/392128898?utm_source=android&utm_medium=whatsapp&utm_content=share_reading&wp_page=library&wp_uname=nade8442
          عشق ملعون بالدم بقلم ساحرة القلم سارة أحمد 
          https://www.facebook.com/share/g/19VZ7arEvC/

yomna8000

صباحا في سرايا الأنصاري…
          
          لم يكن الصباح هادئ كما اعتادت السرايا؛ كان مشحون منذ اللحظة التي دلف فيها دياب إلى البهو.
          
          دخل بخطوات واسعة تضرب الأرض بعنف، وعيناه تشتعلان بغضب حارق، كأن نار قد أوقدت في صدره ولم تجد لها مخرج سوى الصراخ….هدر صوته في أرجاء المكان: فاااااارس وينك يا ولد عاصم!
          
          هبت وهيبة من مجلسها، وتبعها فاطمة وليلة ومريم، وجوه متجمدة بين الدهشة والقلق.
          
          تقدمت وهيبة خطوة، وقلبها يخفق بخوف لم تعهده، وهتفت: وه خير يا واد عمي مالك؟
          
          ضرب دياب على ساقيه بقبضتيه كمن فقد آخر خيوط صبره، وصاح بصوت مبحوح من فرط الغضب: ولدك طلج بتي يا مرت أخوي! من غير سبب، ولا حتى من غير ما يرجعلي! ولا كنه واخدها من الشارع، مش بت عمه وبت رچاله!
          
          تجمد الجميع في أماكنهم، وكأن الكلمات صفعتهم دفعة واحدة.
          
          شهقت ليلة، واتسعت عينا مريم، بينما انخفض صوت وهيبة مرتجف:كيف يا خوي… ومتي؟
          
          التفت إليها دياب، وخرج صوته حاد كحد السيف، يجرح قبل أن يصل: من أول عشيه! البت مكملتش تلات تشهور! وعي منيها إيه شين ولا عفش علشان يطلجها وهي عروسه؟!
          
          رفعت فاطمة يدها في محاولة يائسة لتهدئة العاصفة، والتوتر يعصف بكل خلية فيها: بالهداوه يا ولد عمي، استهدي بالله… يمكن يكونوا ضبوا مع بعض، وزمكها مش طلجها…. حتي هي مشيت لحالها، محدش وعيلها.
          
          لكن غضب دياب لم يعرف طريق للسكوت……صرخ كالموج الصارخ حين يضرب الصخر بلا رحمة: البت حدانا من أول عشيه! كنت بحسبها چايه زياره وتفسح واتوحشتنا! بس لقيتها ولا واكله ولا شارب، كيف الورده اللي اداست بالمداس! ولما أسألها، تجولي الغالي طلجني واحنا مش متفاهمين! كيف يعني؟! هما لحجوا يتفاهموا ولا يعرفوا بعضهم؟!
          
          انهارت وهيبة من الداخل، وبلعت غصتها بصعوبة، وخرج صوتها مخنوق بنحيب موجوع: بجولك يا ولد عمي… الغالي ملهوش ذنب….أنا اللي غصبت عليا يچي علي إيمان… بس الولد كتر خيره لحد كده… حجك عليا يا ولد عمي. الغلطة ديه في رجبتي، سامحني.
          
          ضحك دياب ضحكة قصيرة، لكنها كانت مرة كالسم، وهدر: لا كتر خيركم والله! احنا ناخد بتكم تتهني، وانتو تعودي بتي بعد تلات تشهور مطلجه، وولدك مشنيع بيها، وتجوليلي غلطتي أنا؟!
          
          عشق ملعون بالدم بقلم ساحرة القلم سارة أحمد 
          https://www.facebook.com/share/g/19VZ7arEvC/

noodya

اقتباس من كتاب نور الغربه
          دار لها ببطء، والهواء حوله يحترق بلهيب الغضب المكتوم، وخرج صوته متقطعًا ولكنه صارم: عايزه ايه يا ود؟
          
          ارتبكت بدهشة ، واتسعت عيناها بدهشة وخوف، وقالت بصوت يتقاطع فيه الحب والارتباك: عايزه أطمن عليك… بقالي يومين مش عارفة أشوفك ولا أكلمك؟
          
          أومأ نور برأسه، قبض على ذراعها فجأة، فتشنجت من المفاجأة، لكنه لم يكترث، وسحبها إلى زاوية الحديقة، صوته صار شديد البرود، يتخلله غمغمة حادة: وده مخلكيش تحسي بحاجة؟
          
          حاولت سحب ذراعها منه بعنف، صرخت وعيونها تتفجر بالدموع:حاجه ايه؟ وبتعمل معايا كده ليه يا نور؟
          
          ضحك يتهكم، كأن قلبه صار حجرًا، صوته صار قاسيًا وباردًا: تصدقي… عايز أسألك نفس السؤال… انتي بتعملي كده ليه؟ لو مستنيه مني حب وجواز… أنا مليش فيهم. جربت معاكي كده لفه… يعني كنت بتسالي.
          
          تجمدت ود، دموعها تحجرت في عينيها، وارتعش صوتها وغمغنت بصعوبة: ليه؟ أنا عملتلك ايه عشان تعمل فيا كده؟ حرام… والله حرام عليك…
          
          بلع نور غصته بصعوبة، وغمغم بسخرية مصطنعة: بلاش الصعبنيات دي يا ود… اهو قضينا يومين حلوين… وخلاص.
          
          هزت رأسها بدهشة وغضب، وصاحت بصوت يكاد يشطر القلب: مستحيل… مستحيل تكون بالاخلاق دي!
          
          اقتربت منه، قبضت على ياقته بعنف، ودموعها تتساقط بغزارة: مستحيل… يكون قلبي خدعني كده… لا يا نور… قولي إنك بتهزر… قولي أي حاجة… بس بلاش كده عشاني يا نور!
          
          قبض نور على يدها، نزعها من ياقته بعنف، صوته مزيج من الألم والغضب: ايوه يا ود… قلبك خدعك.
          
          تراجعت خطوة، كأنها على وشك الانهيار، بلعت المرارة المتراكمة في حلقها وهمسة بصوت يختنق بالحزن: طيب… لو قلبي خدعني… وانت كمان خدعتني… انت قولت لي إنك بتحبني… وكل تصرفاتك…
          
          قطعها نور بحدّة تقطع الهواء، صوته صار كالسيف: كنت بخدعك… كنت بتسلي كام يوم… بس خلاص… زهقت.
          
          انزلقت دموعها كالسيل، هزت رأسها بالنفي بهستيرية، صرخت بألم وجراح لم تشفى: حقير… زيك… زي أخوك بالظبط… يمكن كمان انت أحقر منه… على الأقل هو واضح… بس انت غدار وبميت وش! 
          
          وووووووووو 
          
          انتظروني في نور الغربه في معرض القاهره الدولي 2026 
          
          ساااحره القلم ساره احمد ️
          
          للحجز:01067471880
          
          https://www.wattpad.com/story/406225078?utm_source=android&utm_medium=whatsapp&utm_content=share_reading&wp_page=reading_part_end&wp_uname=nade8442