; من زەمانەم...


هەزاران ساڵ  بەسەر ئادەمی نەبیدا تێپەڕی و من هەمیشە هەبووم...هەرچی هەیە پێناسەیەکی هەیە؛ من نەبێ کە وەک ڕازێک دەمێنمەوە...

من ڕازی بوون و جیهان و پۆشەری نهێنی و پەنهانەکانم، گوێچکە ماسیەکی نەبینراوم و بە هەزار شادی و هەزار و یەک ڕازی
  پەنهانەوە دێم و دەچم. دەڕژێـــــم ، تێدەپەڕم و هیچ کەس ناتوانێ 
                         لەژێر دەستم دەربچێ ، سپــیم ،
                                                                 ڕەشــم ،                                                         
                                                                     شــەوم، 
                                                                           ڕۆژم،
                                                                              بەستەم،
                                                                                  بــڕگەم،
                                                                                        من ئەمەم..
کە ئەمێستا ئامێزی بە ئێوەشدا کردووە و لەناو خۆیدا لولی کردون و 
وەک ئاوێکی ڕوون لەگەڵ خۆمدا دەتانبەم. لە سینەمدا
 حەکایەتگەلی ناکۆتــا و ڕووخسارگەلی لە ژمارە نەهاتــوو حەشاردراوە
...

    لەم ساڵانەی دوایشدا هاودەم و هاوڕێی ~کچۆڵەیەکم~کە خولیای 
زانینی هەموو شتێکە ، لەم ڕێگا دوروو درێژەدا ملی ڕێی گرتووە و 
                              کە نازانێ چارەنـووس بۆ کام لای پێچ دەکاتەوە "