ㅤㅤㅤㅤㅤㅤ

٢:٥٠ - ٢٠٢٦/٥/١١ مابعد صباح
            من مجهول إلى جميلة أزقة بغداد
            
            أما اليوم آنتِ ولدتِ
            
            تمنيت لو كنت أحمل لكِ باقة ورود
            باللون عينيكِ قاتلة بريئة الذي حكم من يحاكم
            أما صدق بعض الاحيان لايريد ذلك
            ورغم بعد المسافة والمدن بيننا فأنا بعيد منكِ و
            لكنكِ قرب مني لأفهم كيف تراني وكيف تشعرين
            
            كل عام وأنتِ خير لأنكِ خير وتستحقين خير
            كل عام وأنتِ ملكة وسط الأميرات وكل جميلات
            كل عام وأنتِ تتفوقين على كل الأهداف والطموح
            كل عام وآنتِ تحققين كل ما تتمنين
            
            هناك كثير من "كل عام" ليبقَ بداخلي وأنا أشعر بها

عيد ميلادج هو فرحتي أنا قبل لا يكون فرحتج لأن وجودج بالدنيا هو أجمل صدفة صارت بحياتي
            كل عام وإنتِ مريم… وكل عام وإنتِ روحي اللي أحبها 

مريم الغالية،
            اليوم العاشر من أيّار مو يوم عادي أبدًا… هذا اليوم اللي انولدت بيه إنسانة صارت جزء من روحي، صديقتي المقرّبة، وأختي اللي ما جابتها أمي بس اختارها قلبي بكل حب.
            
            كل عام وإنتِ بخير يا أجمل هدية بهالدنيا، وكل سنة وإنتِ أقرب إليّ من أي وقت مضى. دخولك عامك الثامن عشر مو بس رقم يزيد، هذا عمر جديد يحمل وياه أحلام أكبر، ضحكات أكثر، وذكريات نعيشها سوا وتبقى بقلبي للأبد.
            
            مريم، إنتِ مو بس صديقة… إنتِ السند، إنتِ الأمان، إنتِ الشخص اللي أركض له من تضيق الدنيا، واللي أضحك وياه بدون سبب. وجودك بحياتي مو شي عادي، هذا نعمة أحمد الله عليها بكل وقت. أحبك مو لأنك كاملة، أحبك لأنك إنتِ، بتفاصيلك، بعفويتك، بطيبتك اللي ما تتكرر.
            
            أدعي من كل قلبي بهالسنة الجديدة تكون سنة تحقيق أحلامك، سنة فرح ما ينقطع، سنة تشوفين بيها نفسك بالمكان اللي تستاهلينه. وأتمنى أبقى يمك بكل خطوة، بكل لحظة، بكل فرحة وحتى بكل حزن، لأنك مو بس صديقة… إنتِ حبيبة روحي.
            
            إذا الأيام تغيّرت، وإذا كلشي تبدّل، يبقى مكانك بقلبي ثابت ما يتغيّر أبدًا. وأوعدك أبقى مثل ما تعرفيني، شخص يحبك بصدق ويخاف عليك من كل شي.

حبيبة عيون زهراء أنتِ سنه سعيده عليج يابعد عيوني ربي يحفظج ويوفقج وينور دربج ويسعدج بحق مولاتي فاطمة الزهراء عليها السلام ونبي مريمي احبج فراشة كلبي اروحلج فدوه تخبلينينيننينين احبج ومستحيل بيوم من الايام اندم على معرفتج اخيتي وعضيدتي أنتِ صارلنه 6سنوات سوه بديناها بعركه وصرنه وحده ماتكدر بدون الثانيه ماتتخيلين شكد احبج وماترحين عن بالي والله مشتاقتلج اشتياق كارثي اريد بأي طريقه اشوفج تخيلي كلما اروح للزياره اباوع بالوجوه بلكت اشوف مريم وتصيحلي زهراء اريد احضنج واكعد اسولف وياج نفس قبل من تجيني تهبديلي كلشي وماتضمين عني كلش مشتاقه لذيج الايام أتمنى نلتقي بأقرب وقت لان كافي شني هواي ابتعدنه عن بعض حبجي دمعت احبج فراشتي يارب دوم تبقين سعيده بحق محمد وآل محمد

ما ردت أكتب إلچ شيء طويل مو حقيقي لأن كل اللي أملكه هوَ دُعائي وهايَه هديتي إلچ هالسنة وكُل سنة وللأبد ❤️
            ما أنساچ كُل ما دعيت لنفسي أنتِ موجودة أحسچ أحيانًا بنتي وأني الأم اللي تدعي من بعيد

أسأل الله أن يجعل أيامكِ القادمة خضراء ناضرة، لا يمسُّها لغوبٌ ولا نَصَب، وأن يظلكِ التوفيق في كل خُطوةٍ يخطوها قلبكِ النقي

بخصوص كُل عام وأنتِ بخير مُقدمًا مغايمي الحلوة، ربي يحفظچ من كُل سوء ويبعد عن دربچ أولاد وبنات الحرام ويحيطچ بعنايته ولطفه، الله يحفظ عائلتچ وأحبابچ إلچ، والحمد لله مِن صرتي بحياتي وصرتي صديقتي ورُوحِي مِن الدُنيا، أحبچ هواية ❤️.
            وأنتِ أكثر وحدة ما أتصنع وياها حرفيًا عادي عندي أكتب شنو أريد وأدري بيچ تفهميني، أحب حنانچ وإنتباهچ لأدق التفاصيل للأبد

اتمنالچ يوم ميلاد لطيف ومليان رسايل ومشاعر حلوة واحلى من يكبر ويدخل السن القانوني يناسوو هاي هي بعد كبرتي وبعد كلمة القاصر ما اگدر استعملها

خمس سنين وياچ مرت مثل الحلم والله ، لهسه اتذكر شلون تعرفنا وشلون تركنا بعض فترة ورجعنا وصرنا مقربات لبعض ، خامس ميلاد اعايدچ بيه وجعل كل سنينچ القادمة اكون يمچ واعايدچ وميحرمني منچ أبدًا يا ضيّ عيني انتِ

اتباهى بيچ دايم واحب اگول للكل هاي صديقتي المقربة واغلب صديقاتي هاي إذا مو كلهن يعرفن إنچ اقرب وحدة الي حرفيًا ونص صديقاتي يسألني اوقات يگللي هاي ام عيون حلوة؟ وأنا احس بفخر واگول اي ، جمالچ لوحدة عالم ثاني ويحير الواحد شلون يمدحه بس وربي كلما تنشرين شي كإني أول مرة اشوفچ وبكل مرة اضيع بفتنتكِ يا اميرة الكون كله واحس مستحيل إن إنسانة مثلچ تكون مخلوقة مثلنا مستحيل احسچ نازلتلنا من السما علمود تختبرين البشر إذا يؤمنون بوجود الله بسبب هلتحفة الربانية او يكفرون والأكيد حتى اليهودي بس يشوفچ حيگول سبحان الله