جيت تگضّي وَكتَك.. ما جِيت تحبّ
وصِدگنَّك وأعرفك.. بِالحچي تچذّب
ولَو ويّاي كِلَّك.. لَو بَعض ماريد
آنه بِرزق وادم.. غُربه ما چَلِّب
ما عِفتَك تِنام.. وأنتَ ما مِرتاح
وتنيّمني بسوالِف.. نار بيَّ تِشِب
چِنت ما أشتگيلگ.. إلّا أخاف أغِثَّك يوم
حِنين وما أهوّن.. دَمعِتَك تسچِب
تجازيني بهَجُر.. وحچاية المو خوش
تِعال علَه الجُروح.. حساب خَل نِحسِب
ألاگيك بِربيع.. وكِل بلابِل شوگ
وتلاگيني بـ خريفَك.. والهوه المغضَب
وأجيك بيا هَله.. وبعِتاب مِن تغيب
وآنه سنين أغيب.. وكلمه ما تِعتِب
گلبك موش الي.. مبَيّن الـ يهواك
مِن تِعوفه ساعه.. مِن هَله يستَغرب
عليمَن ذال روحي.. وما أنام الليل؟
غشيم متاني عاجِر.. مِن ثِدِيها أحلب
روحه مِودّع الله.. وكون لا ردّيت
وعَساك بنار گَلبي.. وخنگت المغرب!