may_yinkwin

Author's Note
          
          ကျွန်မမှာ လက်ရှိအချိန်မှာ ဖန်တီးမှုသုံးခုရှိပါတယ်ရှင်။
          
          အခုလက်ရှိ Published လုပ်ထားတဲ့ ဖန်တီးမှုနှစ်ခုကတော့ အစအဆုံး ပြီးဆုံးတိုင်အောင် ရေးသားပြီးသား ဖန်တီးမှုတွေ ဖြစ်ပါတယ်။ နောက်ထပ်တစ်ခုကတော့ လက်ရှိအချိန်ထိ ဆက်လက်ရေးသားနေဆဲ ဖြစ်ပါတယ်ရှင်။
          
          ဒါကြောင့် ကျွန်မရဲ့ ဖန်တီးမှုတစ်ခုကို Published လုပ်ထားပြီဆိုရင် အဲဒီဖန်တီးမှုဟာ အခုမှ ဆက်ရေးနေတဲ့ဖန်တီးမှု မဟုတ်ဘဲ ကျွန်မကိုယ်တိုင် အဆုံးသတ်အထိ ရေးသားထားပြီးသား၊ အဆုံးသတ်ခဲ့ပြီးသား ဖန်တီးမှုတစ်ခုသာ ဖြစ်ကြောင်း ပြောပြလိုပါတယ်ရှင်။
          
          ဒါကြောင့် မနက်ဖြန် Update တင်ဖို့အတွက် ရှေ့ရက်တွေကို အလျင်စလို ကြိုတင်ရေးသားနေရတာမျိုး မရှိတဲ့အတွက် Update တွေ မကြာခဏမဟုတ်သော်ငြားလည်း သူ့အချိန်၊ သူ့ရက်နဲ့ တင်ပေးနိုင်မှာပါရှင်။
          
          စာရေးသူတစ်ယောက်အနေနဲ့ ကိုယ်ရေးထားတဲ့ ဇာတ်လမ်းတစ်ပုဒ်ကို အဆုံးသတ်အထိ သေချာရေးသားပြီးမှ စာဖတ်သူတွေဆီ မျှဝေပေးချင်တဲ့အတွက် ဖြစ်ပါတယ်။
          
          နားလည်ပေးကြမယ်လို့ မျှော်လင့်ပါတယ်ရှင်။
          အားပေးဖတ်ရှုပေးကြတဲ့ စာဖတ်သူတစ်ယောက်ချင်းစီကိုလည်း အမြဲကျေးဇူးတင်နေပါတယ်ရှင်။ 
          
          ချစ်တဲ့
          မေရင်ခွင်

Author’s Note 
          
          ကျွန်မရဲ့စာတွေကို အချိန်ပေးပြီး ဝင်ဖတ်ပေးကြတဲ့ စာဖတ်သူတစ်ယောက်ချင်းစီတိုင်းကို ဒီနေရာကနေ ကျေးဇူးအများကြီးတင်ပါတယ်ရှင်။
          
          Follower တစ်ယောက်ပဲရှိပါစေ၊ Vote နှစ်ခုထက်မပိုပါစေ၊ View က ရာကျော်၊ ထောင်ကျော် မရှိပါစေ… ကျွန်မအတွက်တော့ အားငယ်စရာမဟုတ်ပါဘူး။
          
          ကျွန်မရေးထားတဲ့စာလေးတစ်ပုဒ်ကို အချိန်ပေးပြီး ဝင်ဖတ်ပေးတယ်ဆိုတာကိုယ်တိုင်က ကျွန်မအတွက် တန်ဖိုးရှိတဲ့အရာတစ်ခု ဖြစ်နေလို့ပါ။
          
          ကျွန်မရဲ့စာရေးပုံဟာ အများသူငါနဲ့ မတူနိုင်ပါဘူး။ တခြားစာရေးသူတွေလို စကားလုံးတစ်လုံးချင်းစီမှာ ခံစားချက်တွေထည့်ပြီး နက်နက်ရှိုင်းရှိုင်း ဖန်တီးရေးသားနိုင်တဲ့ အရည်အချင်းမျိုး ကျွန်မမှာ မရှိသေးပါဘူး။
          
          ဒါပေမယ့် ကိုယ်ဖန်တီးနိုင်သလောက်ကိုပဲ ကျေနပ်ပြီး ဆက်ရေးနေပါတယ်။ “မတတ်သေးတာ” နဲ့ “ဘယ်တော့မှမတတ်နိုင်တာ” က မတူဘူးလို့ ယုံကြည်ထားလို့ပါ။
          
          စာရေးသူအသစ်ဖြစ်တဲ့အတွက် စာလုံးပေါင်း၊ စာအဖြတ်အတောက်နဲ့ ရေးသားပုံတွေမှာ အမှားအယွင်းတွေ ရှိနိုင်ပါတယ်။ မြင်မိရင်လည်း ကျေးဇူးပြုပြီး ဝေဖန်ထောက်ပြပေးကြပါရှင်။ ပိုကောင်းလာဖို့အတွက် အဲ့ဒီဝေဖန်မှုတွေကို လက်ခံသွားပါမယ်။
          
          အခုချိန်မှာ လူအများကြီး မဖတ်သေးလည်း ရပါတယ်။ ဖတ်ပေးတဲ့သူတစ်ယောက်ရှိနေသရွေ့ ကျွန်မရေးဖို့ အကြောင်းပြချက်ရှိနေပါသေးတယ်။
          
          ဒီနေ့ထက် မနက်ဖြန်ပိုကောင်းတဲ့စာတွေ ရေးနိုင်လာဖို့၊ ဖန်တီးလာနိုင်ဖို့ ကျွန်မ ဆက်လက်လေ့လာပြီး ဆက်ကြိုးစားနေပါဦးမယ်ရှင်။
          
          ကျွန်မရဲ့စာလေးတွေကို ဖတ်ပေးသူတိုင်း၊ Vote လေးတစ်ခုနဲ့ အားပေးသူတိုင်း၊ Follow လုပ်ပေးသူတိုင်း၊ တိတ်တိတ်လေးဖတ်ပြီး ပြန်ထွက်သွားတဲ့သူတိုင်းကိုပါ တကယ်ပဲ ကျေးဇူးတင်ပါတယ်။ 
          
          ချစ်တဲ့
          မေရင်ခွင်