mbarekmalek49
مخيبو الاحساس اي نعم باش نحكي على الإحساس اما موش اي احساس باش نحكي على احساس الضياع
جربت مرة تحس انك ضايع؟
جربت مرة تحس روحك ضايع و ماكش عارف شنو تعمل؟
اخيب احساس تنجم تحسو هو الحساس بالضياع
نزيد نوصفلكم اكثر
انك تحس روحك ضايع يعني أنك تحس بظغط كبير على صدرك تحس كأنو فما شكون مسكر عليك النفس
انك تحس روحك ضايع يعني تحب تعيط و تبكي و تنقز و تضحك على أقوى صوتك اماهذا الكل في نفس الوقت....
. لكن هذا الكل يصير كان في المخيلة متاعك
انك تحس روحك ضايع يعني تحس انو الدنيا الكل خايبة. و يتملكك شعور بالغضب لكن ماكش عارف علاش
تحس روحك ماعندك حتى قيمة تحس روحك انسان نكرة
تفقد الشغف تولي تحب ترقد لكن في نفس الوقت موش منجم
فما برشا افكار في راسك فما برشا حس برشا أقوال متضاربة
تحس في صراع داخلي قاتل
شعور الغضب مسيطر عليك لدرجة يخليك انسان ماعندك حتى قوة و حتى طاقة
توصل تبخل باش تاكل.. تولي تتغشش على ابسط الحاجات....
