eily_aly16
تاني يوم بالليل.
كانت ماشية هي وأختها بهدوء بعد ما اشتروا حاجات فجأة ظهر قدامها المجنون ده وبص لها نظرة شريرة والهوس باين في عينيه قرب منها وهي رجعت لورا خايفة بص لها بغل وقال من بين سنانه. كدة يا لولو تتخطبي من غير ما حبيبك يعرف طيب استني حتى لما أرجع ولا تعزميني ده أنا حتى بحب أحتفل بمناسبات الناس اللي بحبها.
بلعت ريقها بتوتر وقالت. عايز إيه يا فهد سيبني في حالي بقى حرام عليك أنا مش عايزاك إيه في كلامي مش مفهوم حرام عليك سيبني في حالي.
شدها من إيدها وقال بعصبية. حالك وحالي أنا أعمل فيه إيه إنتي ليه مش قادرة تفهمي إني بحبك.
زقته بعيد عنها وصرخت بصوت مكتوم. وأنا مش بحبك ومش عايزاك في حياتي حرام عليك ارحمني مش بحبك والله ما عايزاك.
مش بمزاجك. صرخ فيها فخافت بس هو كمل. إنتي ليا يا إيلين ليا أنا وبس ومافيش حد في الدنيا هيقدر ياخدك مني وعريس الغفلة بتاعك ده مش ههنيكي عليه والله العظيم لهد الدنيا لحد ما أبوظ لك العلاقة دي وإنتي حرة بقى تختاري يا تسيبيه بفضيحة يا تسيبيه كدة يا تموتي مفيش حل رابع والله ما هسمح تكوني لغيري موتك قبل ما ده يحصل فاهمة.
خلص كلامه وقرب منها وهي عرقانة ودموعها مغرقة وشها وقال بهوس. ألف مبروك يا قلب فهد.
https://www.wattpad.com/story/409988664?utm_source=android&utm_medium=link&utm_content=story_info&wp_page=story_details_button&wp_uname=eily_aly16
