🤎

Beautiful memories.
            I don't forget anything about them.

الأبطال وقصة المسلسل الفريدة الخالية من الأبتذال 
            مستحيل أشوف بقوتهم مرة ثانية ، صح أن كُل مسلسل جميل بطريقته الخاصة...بس هاي المسلسل بالنسبة الي هي الأفضل من كُل النواحي 
            يمكن لأني متعلقة ومتعمقة بالأبطال وأريدهم يرجعون يمثلون سوا بنفس قوة هالمسلسل ومشاعره....
            
            المهم ؛ المسلسل حيل آثرت بيه ولامستني وهي درامتي المفضلة الي مستحيل ابدلها بأي دراما إلا بدراما لنفس الأبطال وقصة أقوى وأعمق ن هالمسلسل والمشاعر العميقة الي حسيت بيها..
            
            احب احجي عن المسلسلات الي آثرت بيه...حتى لما ارجع أقرأ أتذكر المشاعر القوية الي وصلت لها.

خليني أحجي عن اغنية المسلسل.
             لما غنى الأغنية الي كتبها مالت المسلسل بصوته وهي فعلًا بصوته هو المغني...حسيت بمشاعر حُب ودفو لدرجة ضليت أبجي ، ببداية المسلسل ما اهتميت للأغنية بس بعدين من عرفت انو هو كتبها وغناها والأغنية تفسر تساؤلاته وعلاقتهم قَدرت قيمتها وصارت من اغانيي المفضلة واليوم سمعته غناها بالحلقة ٣ مرات ، لما جانوا بحفل لم الشمل ، وبنهاية الحلقة من جانوا سوا وغنوها سوا...المشاعر متضاربة....
            
            +لما طلع المشهد وكال : 
            "من شخصين لا يمكنهما أن يكونا أصدقاء ، 
            دون ان ندرك ذلك ، 
            أصبحنا شخصين لا يمكن أن يكونا مجرد أصدقاء" 
            هاي العبارة من كالها جانت مليانة مشاعر معقدة ، تعكس التغير الكبير الي صار بعلاقتهم ، 
            الجملة الأولى يشير للحظة الي كان بيها كل شخص منهم متشكك أو حذر من العلاقة ، الظروف والتوترات الخارجية جانت تمنعهم من انو يكونوا مجرد أصدقاء.
            ولما يتابع ويكول الجملة الثانية ، هو يعترف بأن العلاقة بينهم تطورت بطريقة مو متوقعة.
            
            هاي الجملة تعكس شلون ان مشاعرهم تطورت من مجرد أصدقاء إلى شيء أكثر تعقيد وعاطفية من دون أن يكونوا مدركين لهاي النقلة بالبداية ، تعبر عن مشاعر مفاجأة أو غير مفسرة ، ذيج اللحظات الي يحس ويشعر بيها الشخص أنَ تعلق بشخص آخر بطريقة مو مخطط إلها ، تعكس الحيرة الي جان هو يحس بيها لأنه ما جان يتصور أن يكون بعلاقة أعمق من مفهوم الصداقة السطحية ، بس هو وأخيرًا أدرك أن كل هذا صار بطريقة مو طبيعية.
            
            تفسيره هو للأغنية ولمشاعر الشخصية يمكن يكون متعلق بالخوف من ما يعنيه هذا التحول بالنسبة لهم ، خاصة وأنهم جانوا يواجهون مشاعر جديدة ما جانوا مستعدين لها وما يعرفون شلون يواجهونها.
            
            ويمكن ترجم هاي الفكرة أو النص بأغنيته لأن جملته تتشابه وي مضمون الأغنية ، الي يتردد بيها الأحساس بالتطور العاطفي غير المتوقع في علاقة كان من المفترض أن تكون مجرد صداقة ، الأغنية تستعرض مشاعر التحول من مجرد أصدقاء إلى مشاعر عاطفية ، مما يعكس نوع من الحيرة والأندهاش من هذا التغير.
            
            ولحد الآن كلما يغنيها للجمهور اشوف الحزن والشوك بعيونه وكأنه يتذكر ويستعرض تفاصيل ولحظات كتابته للكلمات ، وتفاصيلهم سوا سواء بالمسلسل أو لما كانوا شركاء.

خلصتها....بس دموعي مو راضية تخلص 
            كضيت الحلقة والنص كلها اني بس ابجي 
            حتى لما هم يضحكون اني أضحك و ابجي...
            
            المسلسل تركت آثر عميق بسبب قصته والكيمياء الفريدة بين الأبطال ، المشاعر القوية بين الشخصيات ، والطريقة الي تجاوزا بيها التحديات سوا تلامس الكلب وخلتني أحس أني جزء من رحلتهم..
            
            هاي المسلسل جانت تجربة استثنائية ، الطريقة الي تقدمت بيها قصتهم والكيمياء الي بينهم الطبيعية والواقعية حسستني اني جزء من حياتهم واعيش وياهم كل لحظة من فرحهم وحزنهم وصراعاتهم.. 
            هذا النوع من الأرتباط عكس قوة القصة وأداء الممثلين..المسلسل لمس جزء عميق من كلبي وخلاني اشوف العالم من خلال عيونهم..
            
            المسلسل ركزت على هواي أشياء..
            ركزت على الأنسانية والعلاقات العميقة ما جانت بس مجرد علاقة حُب تقليدية وأنما رحلة مليانة نضوج وتحديات والتغلب على الصراعات العائلية والمجتمعية.
            
            الكيمياء الي بين الأبطال والأداء الصادق والمشاعر الحقيقية الي قدموها خلتنا نعيش تفاصيل القصة وكأنها حقيقية.
            
            الرسائل العميقة ؛ المسلسل حجت عن الحُب كقوة تتخطى كُل الحواجز ، سواء جانت عائلية أو اجتماعية.
            
            التوازن بين الدراما والكوميديا ؛ ما جان مجرد مسلسل ادرامي ثقيل وانما دمج بين لحظات مرحة وخفيفة وي ذيج المؤثرة بطريقة تجنن.
            
            المسلسل عبارة عن عمل أستثنائي بحت...ما احس راح اتابع مسلسل بنفس قوته ومشاعره...
            
            وبالنسبة ذكرت أن الأبطال انفصلوا وبعد ما يمثلون سوا بس حتى شخصياتهم الواقعية مأخذه من شخصيات المسلسل تحس وكأنهم جاي يعيشون قصة مسلسلهم ، شخصياتهم الواقعية فريدة : 
            
            أحدهم يمتلك الشخصية الكتومة والمسيطرة على مشاعره ، يبدو أنه يكدر إخفاء ما يحس بيه بسهولة كدام الجمهور أو بالمواقف العامة بس هو على النقيض لكن يمكن هاي الميزة تسمحله بالمحافظة على خصوصيته وعدم كشف الضعف او التآثر.
            
            والشخص الآخر أكثر شفافية وعفوية ، مشاعره تظهر بوضوح أكبر سواء جانت فرح او حزن ، هاي الصفة تخلي الجمهور يلاحظون الي يدور داخله أحيانًا.
            
            هذا التناقض الي بين الشخصيتين بالواقع وكذلك بالمسلسل هو أحد أسباب السحر كونهم شركاء ، 
            أحدهم يبدو كمرسئ هادئ ومتماسك بينما الآخر يمثل الجانب العاطفي والعفوي ، هاي الديناميكية المتوازنة بين الشخصيتين خلتنا نحس بصدق مشاعرهم سواء على الشاشة أو خارجها.

@meinorite 
            هو صدك غثيث وثگيل علگلب وماينطاق 
            بس مادري
            :)

@108029s  
            نعمة تحبين هالغثيث 
            شاطرةة لأننن

@meinorite 
            تخيلي صرت ماكره الرياضيات بفضل مدرستنة 
            يتعبني كلش واضوج من ادرسه بس ماكرهه 
            وتخيلي حتى جبت بيه ٨٠ رغم انو الاسئلة جانت حيل صعبة

الأوست يجنن...يعبرهم عنهم ومترجم علاقتهم 
            
            اوست هالمسلسل 
            وأوست full house 
            وأوست ملكة الدموع 
            واوست sad love story 
            أفضل أوستات أسمعهن.

"حين يرن الهاتف"
            أفضل دراما راح اختم هالسنة بيه بعد ملكة الدموع...علمني هواي أشياء من خلال البطلين.
            التلفون جان الشيء الوحيد الي يجمع بين بيك ساون وهي جو حلقة الوصل الوحيدة الي بينهم هي التلفون والأتصال الي يصير الساعة ١٠:٠٠ كل ليلة ولمدة دقيقة وحدة..الأتصال الي خلاهم يتفهمون بعض ويعرفون ظروف بعض وأسرارهم وخلا بيك ساون يسمع صوت هي جو لأول مرة..وهو الي خلاهم يكتشفون مشاعرهم تجاه بعض. 
            
            كلنا نحتاج مثل أهتمام ييك ساون ب هي جو 
            يهتم لأدق تفاصيلها وراحتها ويتحمس لأصغر تفصيل يخصها ويحب يعرف تفضيلاته...
            يعرف شكد تحب منظر الغروب لذلك حاط خلفية تلفونه غروب مثلها...يعرفها تحب صفار البيض بدون البياض لذلك طبخه إلها...منطيها أكبر غرفة بالبيت وهو نايم بغرفة الضيوف...يتفهمها ، واثق بيها ، يحبها من الطفولة.
            
            جان يحلم بكوابيس من جان صغير ف يطلع يتمشى ويوكف جوا غرفتها ويشوفها تتدرب على لغة الإشارة ، جانت هي مصدر راحته وطمأنينته... 
            
            بالبيت هم مثل الغرباء يتشاركون نفس السكن ، بس ساون يكول : "ارتاح من ارجع للبيت تعبان وأشوف الإضاءة مفتوحة" ، جان يرتاح لمجرد فكرة وجودها بالبيت وحتى وأن كانوا ما يحجون سوا او مخلين حدود لعلاقتهم...العلاقة جانت توكسيك ومؤذية للأثنين بس بعد الأتصالات المستمرة الي تصير كل ليلة عرفوا قيمة بعض وأخذت العلاقة منحى ثاني...
            
            حُبه وأهتمامه بيها وخوفه عليها وشخصية بيك ساون الي يريدها هو وحقيقته الدفينة يظهرها بس يم هي جو...
            
            ومشهد نهاية الحلقة السابقة...عرفنا مقدار حُبه العميق لهي جو..خطابه الي القاه عالصحفيين والناس جان مو بيك ساون جان مجرد زوج يريد ينقذ ويرجع زوجته لحضنه ويعوضها عن كلشي اضطرت تتحمله ، اتخلى عن منصبه وكبريائه وكشف عن حقيقته وهويته وزوجته الي جان خافيها بس حتى يرجع يشوفها كدامه وتبتسم له وتزيح تعبه...
            حُبه عميق...عميق لدرجة ما تنوصف..
            
            بيك ساون وهيون وو أكثر أثنين كدروا يوصلون النه الخوف والأهتمام والحُب الحقيقي.

@meinorite 
            يجننن باع وجهه شكد بريء

@108029s  
            عادي اصلًا الكل يغلط ما وكفت عليه 
            عاذرتته وحتى السايكو عاذرته ومستلطفته 
            حقه ينتقم بس مشكلته ما عرف ينتقم من الشخص الصح.

@meinorite 
            ههههههههههههههههه

@108029s  
            تستاهلينه بس ما انطيه
            اصلًا ما يعز عليه بس احبه 

@meinorite 
            راح اموت من الامتحانات والله

@108029s 
            الحمدلله استمري هيج 
            
            دك امتحانات

@meinorite 
            ههههههههه آمينننن
            
            اني بخير اذا انتِ بخير 
            والله الدراسة الحمدلله والشكر صح داتعب بس داحصل على كد تعبي والحمدلله والشكر 
            اي يعني 
            ان شاء الله تكملينه على خير وتخلصين
            اني باقيلي امتحان شهري انوب راح نبدي شفهي انوب نصف السنة ومالامتحانات يوم ورة يوم وما ادري شلون راح ادبرهه وادرس