meme12908

          
          ما اكول بهاي الفترة ما يجينه لا بالعكس كثرة جياته النه وصار يطول يمنه حيل وزاد تعلقي بي بس مابيني لبين كلبي وربي محجيت، هوَ خله هذا التعلق يزيد بنات تعامله وياي يموت كلامه اللطف من اللطيف اذا سمع احب فد نوع من الحلويات يروح ويجيب كارتونة منه ومراقب حساباتي اذا شافني تفاعلت على شي لو نشرت فد شي اعتبرن بجيته يجيبه الي صرت ماانشر استحي منه خاف عباله اتقصد بنات صرت اموت علي من يجيبون طارية يفز كلبي قبل جسمي من يتمرض اتمرض وره من يروح للشغل مو ادري بي مياكل هناك ما يستنظف اشبع بواجي علي، وغيرتي موتتني والله اني تعبت منها والله ابجي من وراها اتعب روحي تروح
          المهم قبل 5اشهر صارح امي وكالها احب بتج واريدها وامي كالت اله انطيها الك بس مو بناصرية ما انطي بعيد اذا متجي بغداد وهو وافق تخيلن!!!لرغم يموت على ناصرية يشتم هواها وينسرح بيها وهسه يكول صرت ما احبها لان مابيها هواج احب بغداد رويحتي بيها 
          وقبل اسبوع امي كالت شنو رأيج بالموضوع موافقة لا كتلها اله اكله شروطي 
          وبنات كتله،ماريد جكاير ابد ولا اريد بالناصرية واريد عرسنا بعد سنين،وااافق بنات وافق كال انتظر عمر بس انطيني الامان ماترحين الغيري 
          بنات ادري بي شكد يحبني يموت علي والله 
          شكد نكول حب الابطال حلو هو مثلهم حباني 
          بس متردده اوافق لو لا!اخاف مادري ويردون حوابي هذا الاسبوع

 اني وياه بنفس السنة انولدنا واني اكبر بالاشهر، ومن اعترفلي ثنينه جنه اطفال وماعرف شنو حب،
          جانت اختي التؤام مالتي عدها نوع من الاعجاب بي ومن اعترفلي كدامها وهي انقهرت خاف ارفضه وينكسر كلبه همست وكالت:كليله احبك حتلو بجذب خطية 
          واني بوقتها جان قاهرني لان عمي هستوه ميت (ابوه)
          اعترفتله، واخذ حسابي وصار يراسل بي لمدة7 اشهر واني الثولة تعلقت بي صدك، لحد معرفت اهلي ميقبلون نتواصل وياهم حتلو ولد عمنه رحت وحذفت الحساب، وهوَ صار يجينه البيتنا كل اربع اشهر او خمسة يجي 15يوم اول اقل او اكثر يعني هيج فترة ويروح ،  لحد ما مره عرف حساب بتيك توك وراسلني،وكال:بعدني احبج، تحبيني؟
          هنا خفت من اهلي جذبت بمشاعري 
          كتله:لا راح الحب 
          هوَ امتنع من عدنا صار ميجي علينا لمدة سنة و8اشهر،صار عمرنا هنا15 سنة!!!اي بنات تخيلن هيج صغار المهم وراها صار عرس ابن عمتي يمنه بغداد ولازم يجي واحد من بيت عمي بصفة الواجب واجه هوَ من الناصرية، بنات اجه بس شنو؟ !!!كلمة متغير قليلة بحقه والله لرغم عمره الصغير بس مبين شكبره صاير طويل وضخمان وكلشي بي متغير بحيث صار هوَ السالفة بوقتها كلها تسأله ليش تغيرت وكذا، وهاي جيته رجع كل مشاعري رجع كل حب جنت اضمه عن اهلي خوف منهم لان ادري لو اموت ماتنطيني امي، المهم مرت الايام وصرت ثالث وبنهاية الايام مال الثالث راسلني وسويت غلطة متسولف اعترفلي من جديد ووافقت وكتله اي 
          وبقينا نتراسل تقريباً شهرين بس كل 3ايام اول يومين ومرات يمر اسبوع مو بأستمرار 
          اني هنا مجنت اعرف اكو شي حرام ومحادثات لان ديني بهذيج الفترة ضعيف وبعيده كل البعد عن الدين والله رزقني بصديقة وعلمتني وكالت هذا حرام اني انسحبت بوقتها وبوقتها كال شي ضوجني واني تحسست من كلمة كتله من هاي الساعة ماتتت جميع لهفة وحب بكلبي الك (هاي بوقتها اني مدخلت وزاري) اعتكفت عن نفسي وحالتي النفسية تضررت وتعبت بوقتها حيل بدت سنة دراسية جديدة وشديت حيلي والله وفقني دينياً ودراسياً الْحٍمَدٍ للـّہ ربي ونجحت من الثالث ومرت الايام وبديت رابع ونجحت

هلو اسم حسابي الانستا رقيه

حبيبي ما اكدر اردد عليج ب تعليقات +ءوييي ماجيي نقرا سوه