mfll_28

♥

نخلي السواد عزاء لسيدة زينب عليها السلام بهذهَ المصاب الجليل اليوم  مولاتي زينب تمشي لاخوها باربعينه الله يساعد قلبها وقلب مولاي الامام المهدي عجل الله ظهوره وفرجه.. 

رخيص الماي يا عالم ليش انحرم منه حسين؟ 

يتم النوم بعد ما كتبت كل شيء بگلبي وبعد ما كملت الدعيه واحس گلبي فرغ لان كل الي دعيته هسه هو بأيدي امينه وادري كل شيء اريده راح يتحقق ما بعمري ردت شيء وما صار كل الي اريده صار حتى لو تأخر الله ما اخره الي اذا ما راد يسوي احسن وبطريقه اجمل الي 
            اصبح على تحقيق ما اتمنى ويصبح هو على خبر جميل يفرح قلبه استودعتكَ الله امنياتي وشخصي ان تحرسه بعينك الي متغفه وتنام خليته بامانتك.. 

مصدومه من روحي!! اني هلگد حابه شخص؟؟ لدرجة هو ماكو واني وياه مبتعدين اندعيله وبكل وقت اتذكره واتصدق نيابتاً عنه واوزع ثوابات بأسمه وانذرله نذورة واسوي كل شيء بأسمه وبكل زيارة اندعيله واكتب اسمه واخليها داخل الامام ورقه كامله مكتوب بس اشياء اله والقسم الثاني لاهله!! بلطبخ كتبت اسمه واسماء اهله حتى ياخذ مراد ذكرته بلتوزيعات وضميتهم اله رحت للمعرض مال العتبة الحسينية اشتري صوغه لاهلي مناك واجت عيني على سبحة لونها مُميز وتخيلت ايده شلون راح تكون وهي لازمتها وجبتها واني فرحانه واتلمس بيها واشم عطرها وجبتله عطر مناك من المعرض بس العطر فراگ فگلت اخذه الي لان ما اريد افارگه؟ واحنه بالاصل مفترگين وما ملتقين!! الى اين وصلت؟ ووين اريد اوصل؟ شخص ميريدني اول تالي روحي تتعلگ ببشر شمالني متخبله عليك يل متكبر عليه؟ مدري شحچي وشأسوي ووين اروح بس كل الي عرفته هسه ضليت ابچي لحد ما عيوني نعمن بس اندعي اله شنو معنى كلمه احبك لو ما صار الحب نفس الي دأسوي هسه؟ خسرت كل شيء واني احاول ولا زلت احاول بس ضلت هل دعوه بيني وبين الله واهل البيت داحاول بهل وسيلة لان ما بقت اي وسيلة غيرهم وغير الدعاء.. الدعاء يغير الاقدار واني جاي احاول قدري ويرجع شخصي المفضل لان ما اگدر على غيابه اني داموت على البطيء وما حاسه على نفسي.. 

يتم النوم بعد ما گبت الحساسية من القهر وبعد ما نقهرت وبعد ما بچيت!! صارلي شگد مباچيه هسه ضليت ابچي اندعي واقره اعمال الاربعين واني ابچي وانخي بالامام الحسين والعباس ما خليت اي امام ولا احدى من سيدات من بيت آل محمد منخيتهم من التعب البيه ما خليت واحد ما اندعيت اله وندعيت على الي تعبوني كلهم والاذوني بس ما نسيت الاشخاص الي احبهم ندعيتلهم ويه كل عمل سويته كانت دعوه الهم من قلب صافي ونابع بلصدق چانت دعوه خاصه بأسم كل شخص احبه شخصي المفضل..  اهلي..  صديقاتي.. ولنفسي ما نسيت شخص كلهم ذكرتهم هواي توسلت بلعباس اكثر امام گلبي يلوذ بيه..