mi5ih_28

رجع المحارب مرة ثانية ليكتب جروحة
          ما حققت الي أريده وهاي ثاني مرة يخذلني الوزاري
          مو معدلي ولا درجتي ولا سنة سنتي قررت أعيد وارجع 
          للصفر واحارب مرة ثانية رغم الجروح والنزيف الصار عندي
          قررت اعيد اجتهد مرة ثانية واحارب مرة ثانية في سبيل حلمي 
          الي لحد الان ماعرف هو من نصيبي؟ ولا مُجرد خيال وأحلامي بسيطة مني؟
          رجعت مرة ثانيه اكتب معركتي وي السادس للمرة ثانية كتبت الاولى ونهايتها فشل
          اتمنى بعد هلفشل نجاح يليق بتعبي رغم تعليقات سلبية من كُل الأطراف والأهل وغيرهم 
          بس باقي عندي أمل بنفسي انو ارجع يوم لهنا واكتب معدلي واني كُلش فرحانة وراضية عنه
          اتمنى يالله ما تخيب ضني وحاشاك من خيبة الظن بس اتمنى ولو مرة بعُمري يتحقق الي اريده
          
          نهايتي ما خلصت وانما هي تكمله للرحلة الجديدة اتمنى ايام سريعة وتمشي بهدوء 

الثلاثاء النتائج 
          وأني أمتحنت فقط كيمياء
          أتوقع بالثمانيات 80 او 85 
          بس أتمنى إكثر 
          وان شاء الله ارجع هنا واكتب درجتي ❣️

مو كُلشي نريده يصير خططنا وحد وخطة الله وحد
          ودايما خطة الله أفضل ، محد چان متوقع آجل 6 وامتحن بس واحد وهو الكيمياء
          أن شاء الله بيها خيرة والعوض والفرح ع الدور الثاني، حالياً داراجع والله كريم نشوف شوكت أمتحاناتي وشنو الله ضام اليه بالأيام الجاية 
          
          صح قهر وضوجة بس الحمدالله بيها الصالح ورب الخير لا يأتي إلا بالخير هواي أغلاط صارت وأن شاء الله ما تنعاد .

7pm
          
          من واقع وحال معركتي الأخيرة 
          يوم يفصلني عن أمتحاناتي ومستقبلي المجهول 
          خوف توتر وقلق وحماس كُلشي بيه بس عندي يقين بالله
          لانُ رب الخير لا يأتي إلا بالخير
          ويارب تخلص هل أيام بخير وعافية وبسهولة وتسهل علي وعلى الطلاب همّ خطية 
          وان شاء الله ارجع لهنا بأخير يوم أمتحان وايضاً بوقت نتائج❣️.

5/30 
          
          يالله ❣️.

اليوم بليل ميلادي 5/30 ومابقى شي لامتحانات الوزارية يارب خير ان شاء الله.

5:33 
          داراجع كيمياء للوزاري مابقى شي واخلص فصل 2 وابلش ب 3  واليوم إخلص 3 بحيل الله وأهل البيت والأمور ماشية بمجراها والحياة هادئة يمي وحلو هل شيء صراحة لا قيل ولا قال ولا أعرف شيء ولا يهمّني شيء عدا دراستي وشلون إخلص مُراجعتي وجنت اتمنى هيج حياة هادئة من زمان والله رزقني اياها اتمنى يكمل هذا الرزق بالمعدل العالي الي يستاهلني واستاهله ويفرح بيه أهلي وماعرف بعد شنو ضامه الي ألأيام والزمن….؟

رجعت بعد يوم مُتعب حيل واستهلك طاقتي كُلها
          اتمنى بعد هذا تعب كله احصل شي يرضيني
          حالياً زعلانة حتى من نفسي وماعرف اريد أبجي
          بس ماريد بنفس وقت اتمنى تخلص هالفترة

حالياً بفترة مُراجعة وخلصت واريد انام حتى اكعد اقرة
          الحياة صعبة بس حلوة وي العوض الحلو هوّ مصبرني 

ساعة 7:7
          داقرة تراكُماتي بكُل حماس لخاطر يوم الجُمعة✨
          والأسبوع اليجي الاحد نتائج وكُلش متوترة بس أن شاء الله خير✨.