missbluefish555
مساء العسل
انا اكبر عيالي في ابتدائي ربنا يباركلي فيه
وانا ست محافظه اوي وحريصه جداً على صحه العيال سواء في الاكل او الشاشات
ف ابني معندوش تليفون خاص بيه طبيعي يعني الوله عنده عشر سنين
وعنده آي باد هو و اخواته كل واحد ساعه في اليوم
وهما شخصياً الي بيزهقوا منه ويفضلوا كل واحد يمارس هوايته او رياضته وكده
المهم في ست مع ابني في التمرين بيتمرن باسكت
سمعت عن نظامي ده
فقعد ساعه من وقت التمرين (التمرين ساعه ونص او ممكن ساعتين )
بتقلي قد ايه انا ام ظالمه و متخلفه ومخليه الولد "منغلق" ومش مربياهم على المساحه الخاصه و سالبه طفولته و حريته و وصلنا لدرجه انه لما يكبر هيرميني في دار مسنين بعد ما شرحتلها باقي النظام الي بيقوم على "صحه ولادي اهم من العالم و التريندات"
وطلعتني ام وحشه وجاحده وحرماه من مش عارفه اي ومش عارفه مين
مكنش ناقص غير انها تطلبلي شرطه الاطفال و تروح تشتكيني في منظمه حقوق الطفل
ابني مش معترض ولا حاسس بالنقص
صدقوني هو الي بيرجع يقولي كل الاولاد قاعدين على التيليفونات و جوهم ممل
يلا آدي آخره حريه التعبير عن الرأي انا كان المفروض ادي الست دي بظهر ايدي عموماً
