H

كم مره اكلت النستله البيضه واتذكرج

حوراء
          
          والله ما أعرف شلون أبدى، لأن الحچي هواي، وكلبي مليان، من زمان ساكته، واليوم حسيته ما يتحمل بعد.
          
          أعرف صارت بينا مشاكل، وسمعتي حچي ما يعجب، وگدرتي تزعلين منّي، بس صدگيني يا روحي، والله العظيم ما گلت شي من خباثة ولا كره، كلشي گلتِه گلتِه من ضوجة، من قهري، من حرگة بكلبي، لأن أحبج.
          
          إي والله أحبج، وأغار عليج، وأتأذى لمن أشوفج تمشين ورا ناس مو خوش، چنت أتمنالج الأحسن، مو لأنني أحچي عليج، بس لأنني خايفة عليج. بس يمكن غلطت بأسلوبي، يمكن ما عرفت أوصل حچي مثل ما هو، فسامحيني إذا جرحتج بدون ما أقصد.
          
          وهم أدري إنو فاطمة (بت خالتي) حچت وياچ، ونقلت حچي جان بينه وگالتلج كلشي گلتِه، بس صدگيني، مو چذب، ولا من حقد، جان من وجع، 
          
          أنا ما دا أكتب حتى نرجع نضحك من أول وجديد، ولا حتى أطلب تنسين، بس أكتب لأنني مشتاقتلج، وحاسة الدنيا صارت فاضية منچ، وحضنچ ما يتعوض.
          
          اعرف ماراح تشوفين رسالتي من وقت بس كلششش مشتاقتلجج فوك ما تتصورين صح هسه انتِ ضايجه مني ويجوز كارهتني مو يجوز اكيد لان الكلام الي حجته فاطمه مو هيّن بس والله مو قصدي احجي بشرفج بس بالقرأن من
          
           خوفي عليج وفاطمه الكلام الي حجته اغلبه جذب والباقي مو قصدي ابين نفسي احسن منج انه حجيته بطريقه وفاطمه بطريقه الي عبالج احجي عليج بس لا عبالج ابقى احبج وكلشي اسوي اتذكرج بي خاصتاً الموقف الي صار مساع تمنيتج يمي وتواسيني ، وهم انت ماتعرفين عني شغله عمري كله ما حسيت احد يحبني بس انت الوحيده مع ان انه عمري كله ماصدكت احد يحبني بس هيج كلام لان هواي مرت مواقف عليه خلتني لا احب نفسي ولا اصدك احد يحبني بس والله انت الوحيده الي حسيت مشاعرهه صدك واذا تردين تتأكدين سألي بنات صفنه شكد احبج هنَّ يعرفن وملك بالذات وفاطمه بت خالتي تعرف شكد احبج وكم مره كلت الهه راح ابجي مشتاقه لحوراء  
          وبس احبججج

https://www.wattpad.com/user/llLV_8
          
          تابعو الحساب من طرف ريتي وشكرا الكم