mkd195

https://www.wattpad.com/story/361065759?utm_source=android&utm_medium=link&utm_content=story_info&wp_page=story_details_button&wp_uname=ilaart3

          عزه هذا مصطفا.
          

??

          مُزعج. 
          

          ليش البايو فارغ محلو.
          

          متحبني.
          

10/28 سنه2021
          4 شهور بالضبط مرت  ؏ هذا التاريخ ومن هذاك اليوم لليوم مضاحك من گلبي 
          ولا اگدر اطلع الي صار من بالي
          وكل يوم يجيني اضوج بي  ؏ سبب اتذكر هليوم الي هو من اتعس ايام حياتي 
          اتمنى ارجع بالوكت شويه واگدر اوگف كل الي صار 
          بلكت اكدر اغير الي صار
          والي انكسر ميتصلح بعد
          هوايه ناس استغلت عاطفتي وانكساري بفتره ال4 شهور الي فاتت وعيشتني بعالم ثاني وخلتني افرح وبالنهايه فلشوا الي بقى من گلبي 
          حرفيا مداحس بگلبي ولا دااحس بأي شعور واذا اريد احس بشعور ف احس بشعور مؤذي عبالك روحي تطلع مني
          120 يوم اني ميت120 مرا
          تمرضت شكلي تغير كلشي بية تغير
          كلشي ولا احد ينكسر من اقرب الناس اله
          وحاليا الكسره الي صارت قبل دتتضاعف اضعاف لان گلبي اي واحد يفوت من يمه يدوسه ويكسر الي بقى منه وهسه ماعتقد بقه منه شي
          شخص عمره 20 سنه بدون مشاعر لاا باتجاه الصداقه ولا الحب
          وفاقد الثقه بكل الاشخاص ومكسور واهسه من الحياه ويتمنى يموت بس
          

الاحداث الي صارت هلاسبوع احس كبرتني 20 سنه!

          مستو.
          

بسبب موبدينه تطشرت لمتنا
          صار شهر تقريبا ممتجمعين
          مخططين هوايه اشياء نسويها سوا بالمستقبل
          وهسه بيناتنا فصول وكعدات وعشاير
          جنه نتواعد نروح لبيتهم اهل بيت واحد
          هسه نروح خطار نحول حتى نگطع علاقتنا بيدنا
          جنه نروح نتعارك منو يعزم الثاني 
          هسه نروح ننطي دية ميت
          لو الفلوس ترجع المات ادفع كلشي وارجعه
          الخميس صدمه والاثنين صدمه بموضوع ثاني من صدمه الخميس الصدمه الثانيه مهتميتلها وتمنيت تأثر بية
          بارحه يمك اهلك وناسك وربعك تصبح تلگه روحك وحدك
          اليقهرك اكثر سبب موبيدك ولابيد احد بيد ربك
          اتمنى هلحياة تنتهي وكلمن يروح لمكانه 
          ولو ادري مكاننا واحد لان كل شي سوينا سوا ونصير بنفس المكان
          اتمنى نفقد الذاكره ونلتقي باحبابنا من جديد ونتعرف عليهم 
          شايفين من تجي ذكريات ببالكم وتطردوها بالگوة؟!
          داامر باصعب ايام حياتي 
          الدنيا يوم عليك ويوم الك وهسه هي علية
          شوكت تصير الي؟
          بس تصير الي اتونس بيها واستمتع واعيشها لحضه لحضه
          واستعد لليوم الي علية واليوم الي حعيش بي مثل مداعيش هسه
          ياريت ايام گبل ترجع
          ياريت نكدر نتحكم بالوكت نرجع ونقدم بكيفنا
          اريد اعيش بالماضي وايام قبل واعوف الحاظر وماريد المستقبل 
          ماريد اعرف شمضمولي وشحيصير وماريد يصير اي شي بعد
          لو لهنا وتوگف الدنيا لو نرجع ليورا
          شوكت يجي اليوم الي اقره بي هلكتابات واجي اكتب عدت هلفترا وهسه اني باحلا ايام حياتي