H

كُلشي انتَ بالنِسبة إلي
            شَمس الفَـچر والگُمر
            والمـاي والغَيمه
            ومَادامنـه احَـنه سَوه
            ضَيمك وضيمي عـليَ
            مو كِلمن وضيمه!!!
            

ولـو خَبر مِنك يجيني!!
            النَاس تعدَل مِن جِديد 
            ضوء يبَـين مِن بعيد
            مُطر ينزِل شَمس تضحَك
            المشَانق تِنصب مَرجوحه 
            لأطفال الشَـهيد!!
            

يـامن طَرْقتَ الفؤادِ بِـبَسمْةٍ
            رِفقاً فَإنـي بِها اليَومُ مأسُورٌ
            كَالبَدرُ حَسَناً بِالنُجوم مُـحاطه
            وَصـائِف حَولَها كَالدرُ مَنثْورٌ
            -لـشُعاع

يلوموني!
            واحـسك تكـبَر بروحي 
            ويلوموني!
            وانهَ بِلا شوفتَك شينفعن عـيوني؟
            

أنا بـلياك مَدري شـبيه ما بـيه
            زلِف وبلـايه ترچيـه
            دَرب ما بيه كِل جيه 
            نهَر فاض وتِبع مَيه
            رجع بَس ما لگه جروف !!!
            وكـون تشوف روحي
            شخلى بيها خَـوف
            مطلوبه نِذر وتخـاف ما توصل 
            حَضرتك !
            من بعيد تطوف

مَره گتلك يا حَبيبي شگد تحـبني؟
            وگتلي بَـاوع للسمى وبَـاوعت ظلمه!!
            گلـِت يلاا يجوز يقصد عَالمسافه
            وما دَريتك تقصِد بگد النجوم
            بليلى چانت کـلها غَيم 
            وماكو نَـجمه!!

الهَـوى يلتم عَلـيه مَنين ما ذكروك
            وادِگ رجلي وأضـَل بعازة الخَـنگه
            واغص برِيحتك ما گمت اغـص بالزاد
            المفارگ النَسمه العابره تغرگه...