يايمه بعد الكلب 
                   يالدوم حزنانه
تضحكين يمنه جذب 
                   رغم الحزن والألم 
ماكلتي تعبانه
                   لو هد علينه البرد 
تصيرين كلج دفو 
                   وتبقين بردانه 
انحس ابأمان وعلي 
                   مادامج اويانه 
معذور لمن يون 
                   العايش الوحده 
واليمه امه بعد 
                   يشتمها ويجر نفس 
شيسوي بالوردة 
                   الكعدة كلش ملل 
وياج بس تختلف 
                   وتخبل الكعدة 
يايمه صبرج لغز 
                   بس دمعج ايفسره 
شلتي أعلى راسج جبل 
                   ضيم ومصيبة وقهر 
ماكلتي منكسره 
                   انطيتي شط للعطش 
رغم انتي كلج عطش 
                   وبعازة الكطره 
لو يمه طلعت شمس 
                   نكعد افيج تره 
ماحاجه للشجره 
                   يايمه مثلج اكو 
ياهيبه ياشمعه 

                   البلبل نكرهه الصبح 
بس صوتج انسمعه 
                   اتصيرين ورده ونده 
من تنزل الدمعه 
                   دنيانه بيها طعم 
مادام كل العمر 
                   ويانه منجمعه #شهدالشمري #يايمه