باچر نغني اعله فگدك
موش تسمعنه وتصد !
باچر نموت بحزنه
وانتَ ما منك نشد
من يجي الطارش يگلك
ماتو تحس بالفگد؟
من تخم باعزاز گلبك
هم تحس قل العدد؟
ندري موش ابال گلبك
ندري ما همك بعد
يالگصدت الناس كلها
شمالنه وماننگصد !
امس دفينه الرسايل
چيف جاساكم برد
امس رشينه عطركم
فوگ شدات الورد
امس حتى ربعك حچوها
وگالو فلان انسعد
امس صلينه وبچينه
شلون بچي البـ المهد
امس ودعنه النحبهم
موادع الأم للولد
وانگضه العمر اعله گاعك
نزرع ملاگة وجفاك الينحصد
يله يا باچر نريدك تاخذ ايدينه
و تكضنا و ما نرد .