أيوش

الندم ماكلني چي ضليت وياك
          المفروض من الأول ما أحبك
          انا الما يكرر اللبسة مرتين
          عجيبة تقبلت مرتين اردلك 
          فشلة المثلك يجيني بالليل
          نعمة المثلي كون تبوس چفك 
          غشيم الخشب من روحه يصنع فاس
          هدمت روحي وبنيت انسان مثلك

ماتجين !
          حرب صارت حرب
          چا ما تجين !
          ووين صرتي شعطلج كل هل سنين
           انا باقي انتظرج وباقي على وعدي ، 
          وأنتِ وعدج مدري وين !
          ماتجين !
          خاف اموت بهل حرب 
          وتالي ما تالي ندم تتندمين
          ها تجين !

حَرب والدول مخبوصه 
          على يا ساعه يَدگ انذار 
          وتاخذني الحَرب منك 
          واروح بعيد ، فك عنادّك 
          ويه گليبي خايف مَايرد
          ويموت ، وتضل حِسرة 
          مُحب بين الحَرب والحُب .

شَنسه مِنك ؟ وبالي گله وياك 
          صعَب مثل الچَمر ماينحمل فَرگاك
          وگلت أنساك باجر مَن يمر الليل 
          أثاري الليل جَايب گل غرامِي وياك 
          گل أيامنا الچَانت ضحك وافراح 
          هَسه تحولت دمعَات بـَس تنعاك ..

أحَبك وأختِلف
          حَتى بسَلاميِ ويَاك
          ولا تسِأل عَليه شلوُني ما لوُنيِ
          بس سَلم عَليه وشوُف
          ردِي شِلوُن
          "ما أرَد السَلام أشِمرلك عَيوُني" .

اسأل ليش احبك؟
          حته اكلك ليش و ليش..
          شما تسوي وياي اقبلك
          لحظه موت عمري سنيني كلهن خوف ! بس وياك امن لمن اوصلك
          و انت اخر نفس وشكد عزيز تصير و بلحظه الموت تريدنا نملك؟ خيط على الجرح بلحم صرت وياي
          لو كل الجروح تطيب منملك !